Bedreigde spesie
vanuit Wikipedia, die vrye ensiklopedie.
'n Bedreigde spesie is die bevolking van 'n organisme wat moontlik uit kan sterf, óf omdat die bevolkingsyfers baie laag is, óf omdat 'n verandering in sy habitat 'n bedreiging inhou. Die Internasionale Unie vir die Bewaring van die Natuur het aan die hand van waarnemings tot en met 2006 bereken dat 40% van alle organismes op aarde bedreigd is. Baie lande het spesiale wette wat sulke spesies beskerm: byvoorbeeld deur die jag van bedreigde diere of die pluk van bedreigde plante te verbied. Sommige wette konsentreer weer op beperkings op nasionale of internasionale handel, die beskerming van die spesie se habitat of die skepping van reservate.
