Beeldhouer (sterrebeeld)

	Beeldhouer
Latynse naam	Sculptor
Genitief	Sculptoris
Afkorting	Scl
	Waarnemingsdata (Epog J2000)
Regte klimming	0h
Deklinasie	-30º
Grootte	475 vk. grade (36ste)
Kwadrant	SQ1
	Besonderhede
Hoofsterre	4
Helderste ster	Alpha Sculptoris
Naaste ster	Gliese 1
Sterre helderder as 3 m	0
Sterre met planete	6
Messier-voorwerpe	0
Bayer-/Flamsteed-sterre	18
	Aangrensende sterrebeelde
	Walvis, Waterdraer, Suidelike Vis, Kraanvoël, Feniks, Oond
Portaal	Sterrekunde

Die Beeldhouer (Latyn: Sculptor) is ’n klein, dowwe sterrebeeld in die suidelike hemelruim. Dit is in die 18de eeu deur Nicolas Louis de Lacaille geskep. Hy het dit aanvanklik die Beeldhouer se Ateljee (Apparatus Sculptoris) genoem, maar dit is later verkort.

Ruimtevoorwerpe [wysig]

Die Beeldhouer bevat geen sterre helderder as 3 mag nie. Dit is omdat die sterrebeeld die galaktiese suidpool bevat waar min sterre voorkom.

Die helderste ster is Alpha Sculptoris, met ’n helderheid van net 4,31 mag. Die sterrebeeld bevat die Beeldhouerdwerg, ’n dwergsterrestelsel wat deel is van die Lokale Groep (die groep sterrestelsels waartoe die Melkweg behoort) sowel as die Beeldhouergroep, die groep sterrestelsels naaste aan die Lokale Groep.

’n Baie unieke sterrestelsel in die Beeldhouer is die Wawiel-stelsel, wat 500 miljoen ligjare van die Aarde af is. Dit het ontstaan met die samesmelting van twee sterrestelsels sowat 300 miljoen jaar gelede. Dit het ’n kern van ouer, geel sterre wat die kleinste van die twee stelsels was, en ’n buitenste ring van jonger, blou sterre wat die grootste van die stelsels was. Die skokgolwe van die botsing het die uitgebreide vorming van sterre in die buitenste ring tot gevolg gehad.^[1]

Verwysings [wysig]

↑ (2006) 300 Astronomical Objects: A Visual Reference to the Universe. Buffalo, New York: Firefly Books. ISBN 978-1-55407-175-3.

Ridpath, Ian, en Tirion, Wil (2007). Stars and Planets Guide, Collins, Londen. ISBN 978-0-00-725120-9. Princeton University Press, Princeton. ISBN 978-0-691-13556-4.