Benjamin D'Urban

in Wikipedia, die vrye ensiklopedie
Spring na: navigasie, soek
Benjamin D'Urban
1777 – 25 Mei 1849
Geboorteplek Halesworth, Suffolk, Engeland
Plek van afsterwe Montreal, Kanada
Lojaliteit Vlag van Verenigde Koninkryk Verenigde Koninkryk
Diens/Tak Flag of the British Army.svg Britse leër
Jare in diens 1793–1859
Rang Generaal
Veldslae/oorloë Napoleontiese Oorloë
Sesde Grensoorlog
Toekennings Knights Commander of the Royal Guelphic Order
Knights Grand Cross of the Order of the Bath
Ander werk Diplomaat, goewerneur van die Kaap die Goeie Hoop.

Sir Benjamin D'Urban (1777 - 25 Mei 1849) was 'n vroeë Britse goewerneur van die Kaap die Goeie Hoop na wie Durban sowel as Durbanville (met die -ville bygevoeg om verwarring met eersgenoemde te voorkom) genoem is.

Hy is in Halesworth naby Norwich gebore. Sy voorsate was Franse Hugenote wat hulle in Engeland gevestig het om vervolging in hulle vaderland vry te spring. Op 16 Januarie 1834 word hy goewerneur van die Kaap, midde-in die Sesde Grensoorlog. Hy was die opvolger van sir Galbraith Lowry Cole. Hy het die oorlog in Brittanje se guns beëindig en die Provinsie van Koningin Adelaide gestig. Dit was geleë tussen die see, die vorige grens en die Groot-Keirivier en het net bestaan van 10 Mei tot 5 Desember 1835. Die Koloniale Kantoor het 'n einde daaraan gebring omdat D'Urban grond in die kortstondige provinsie aan swart lojaliste uitgegee het.

D'Urban het geen ondersteuning van die rykshoofstad, Londen, gekry nie en moes die probleme wat die Groot Trek meegebring het in die Kaap die hoof probeer bied. Hoewel hy persoonlik gewild onder die nedersetters aan die Kaap was, het sy amp algaande onhoudbaar geraak. Ondanks sy bevordering tot luitenant-generaal in 1837 is hy die volgende jaar uit die amp as goewerneur ontslaan. In sy militêre hoedanigheid bly hy egter in Suid-Afrika aan tot 1846, toe hy opperbevelvoerder van die Britse magte in Noord-Amerika word.

Hy sterf in dié amp in Montreal op 25 Mei 1849.

Sien ook[wysig]

Bron[wysig]

  • Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.