Beowulf

in Wikipedia, die vrye ensiklopedie
Spring na: navigasie, soek
Die eerste bladsy van die oorspronklike Beowulf manuskrip.

Beowulf is 'n gedig met 3182 strofes wat in êrens die 7de tot die 10de eeu geskryf is. Beowulf is die held van die gedig afkomstig van 'n Germaanse volk in die suide van Swede genaamd die Geats. In die gedig reis Beowulf na Denemarke en help hul koning, Hroogar van die Scydings, om die boosagtige monster, Grendel, te verslaan.

Agtergrond[wysig]

Die gedig speel af in die 5de eeu nadat die Angelsaksers begin het om na Engeland toe te emigreer en bevat heelwat Skandinawiese mitologie. Daar word vandag wel geglo dat daar wel 'n koning Hroogar was wat oor 'n klein koninkryk in Denemarke geheers het. In 1936 het J.R.R. Tolkien 'n essay geskryf genaamd Beowulf: the monsters and critics waar die gedig vir die eerste keer ernstig bestudeer was en sommige kenners glo dat beowulf 'n indruk op Tolkien gemaak het. Beowulf is deur die volks mond oorgedra en die digter is onbekend die gedig was wel neergeskryf deur monnike in ongeveer 1000 na geboorte waar die gedig ook dalk sy christelike bykomstighede gekry het.

Beowulf as held[wysig]

Beowulf beteken in letterlik bye jagter (Bee-wolf) in ou engels en kon moontlik ook beer beteken in gevolge 'n beer se voorliefde vir heuning. Daar word ook geglo dat Boewulf korreleer met Bodvar Bjarki die Skandinawiese oorlogsbeer. Beide was afkomstig van Geatland en het na Denemarke gereis en albei het fabelagtige monsters verslaan.

Beowulf en Grendel[wysig]

Die gedig begin met koning Hroogar wat 'n groot woning (Heorot) vir sy vrou Wealhpeow en soldate gebou het waar hulle ook feeste gevier het. Die kwaadagtige monster Grendel het elke aand wanneer Hroogar en sy soldate geslaap het een van hulle opgevreet. Hroogar en sy mense was hulpverlore en moes Heorot verlaat. Beowulf hoor van die lot van Hroogar en vra sy koning vir toestemming om die Scyldins te help. Beowulf en sy soldate spandeer een nag in Heorot en nadat hulle aan die slaap raak, bespring Grendel hulle en vermoor een van Beowulf se soldate, hy durf egter nie om aan die troon van Hrothgar te raak nie want dis geglo dat die troon deur Almagtige God beskerm was. Die hele tyd het Beowulf gemaak asof hy slaap en op die regte oomblik bespring hy vir Grendel. Die geveg het amper die hele woning vernietig maar op die einde ruk Beowulf Grendel se arm af waarna Grendel huis toe gekeer het om te sterf. Die volgende aand hou Hroogar 'n fees maar Grendel se moeder val hulle onverwags aan uit wraak vir haar seun se dood. Waar sy en Beowulf 'n lang geveg gehad het en Beowulf het haar ook verslaan.

Beowulf en die draak[wysig]

Na sy geveg met Grendel keer Beowulf terug na Geatland waar hy koning geword het. Eendag steel 'n slaaf 'n goue beker uit 'n draak se grot in Earnaness. Wanneer die draak agter gekom het wat gebeur het neem hy sy wraak om alles in sig te verbrand. Beowulf en een van sy knegte Wiglaf veg teen die draak en verslaan hom, Beowulf was ernstig gewond en sterf. Hy word toe met al die draak se skatte begrawe want dit was geglo dat daar 'n onheilige vloek oor die skatte was.

Teks[wysig]