Bergskilpad
| Bergskilpad | |
|---|---|
| |
| 'n Bergskilpad, ca. 3 jaar oud | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Suborde: | |
| Superfamilie: | |
| Familie: | |
| Genus: | Stigmochelys Gray, 1873
|
| Spesie: | S. pardalis
|
| Binomiale naam | |
| Stigmochelys pardalis[2][3] (Bell, 1828)
| |
Die bergskilpad (Stigmochelys pardalis, voorheen Geochelone pardalis[2]) is 'n groot en aantreklik-gemerkte skilpad, wat voorkom in die savannes van Oos- en Suider-Afrika, van Soedan tot in die Kaap.
Bergskilpaaie wei in semi-droë, doringagtige en grasveldareas, hoewel hulle by uitsondering in natter gebiede opgemerk word. In sowel bloedig warm as yskoue weer kan hulle hul toevlug tot verlate jakkals- en erdvarkgate neem. Die enigste rede vir 'n bergskilpad om self te grawe is om 'n nes te maak om eiers in te lê.
Hulle het tot ses neste, elk met ses tot 15 eiers. Die eiers word in die somer gelê en broei 10 tot 15 maande later uit. Die kleintjies kan met Bell se skarnierskilpad verwar word.
Die dieet bestaan hoofsaaklik uit verskillende soorte gras, bene en hiënamis. Hulle vreet ook vetplante en distels, en in gevangeskap kaktusse.
Bergskilpaaie is gemiddeld 30 tot 45 cm (maksimum 70 cm) lank. Hulle word gewoonlik tussen 80 en 100 jaar oud. Dit is die grootste en die mees wydverspreide landskilpad in die Suider-Afrikaanse streek.
Fotogalery[wysig | wysig bron]
-
Drie bergskilpaaie in 'n dieretuin. -
Kleintjie, een maand oud. -
Onvolwasse skilpad van drie jaar oud. -
Die een vreet plantmateriaal. -
Wyfie met haar pote onder haar dop ingetrek. -
Die karapaks (bo-dop) van naby. -
Die karapaks vervaag by ouer skilpaaie. -
'n Bergskilpad in die Addo-olifant Nasionale Park.
_head.jpg)
Verwysings[wysig | wysig bron]
- ↑ Baker, P.J.; et al. (2015). "Stigmochelys pardalis". The IUCN Red List of Threatened Species 2015 (in Engels). Geargiveer vanaf die oorspronklike op 1 Oktober 2018. Besoek op 27 Oktober 2017.
- ↑ 2,0 2,1 (en) Turtles of the World: Annotated Checklist of Taxonomy and Synonymy, December 2010
- ↑ (en) Fritz, U.; Bininda-Emonds, O. R. P. (3 Julie 2007). "When genes meet nomenclature: Tortoise phylogeny and the shifting generic concepts of Testudo and Geochelone". Zoology. Elsevier. 110 (4): 298–307. doi:10.1016/j.zool.2007.02.003. PMID 17611092.
Bronne[wysig | wysig bron]
- (2012) Die veldwagter stap saam. Pretoria: BRIZA PUBLIKASIES, 190-191. ISBN 978-1-920217-18-1
- Sasol Eerste Veldgids tot Slange & Ander Reptiele van Suider-Afrika. Kaapstad, 2000. ISBN 978-1-86872-188-7
Eksterne skakels[wysig | wysig bron]
Wikimedia Commons het meer media in die kategorie Bergskilpad.
Wikispecies het meer inligting verwant aan Bergskilpad
