Bermuda

Bermuda

(Vlag van Bermuda) (Wapen van Bermuda)
Nasionale leuse: Quo Fata Ferunt
Ligging van Bermuda
Kaart van Bermuda
Amptelike tale	Engels
Hoofstad	Hamilton
Grootste stad	Hamilton
Eerste Minister	Ewart Brown
Oppervlakte  - Totaal	53,3 vk km
Bevolking  - Totaal (2009)  - Bevolkingsdigtheid	67 837 1 226,4/vk km
Geldeenheid	Bermuda-Dollar (BD$) (BMD)
Tydsone	UTC: UTC - 4
Volkslied	God Save the Queen

Bermuda is 'n Britse oorsese gebiedsdeel in die Atlantiese Oseaan 'n entjie voor die kus van Noord-Amerika onder soewereiniteit van die Verenigde Koninkryk. Dit is veral bekend vir die Bermudadriehoek. Bermuda het 67 837 inwoners in 2009 gehad en 'n oppervlakte van 53,3 km². Die hoofstad en grootste stad is Hamilton.

Boerekrygergevangenes

Vyf van Bermuda se eilande is gebruik om ongeveer 5 000 Boerekrygsgevangenes tydens die Tweede Vryheidsoorlog, ook bekend as die Anglo-Boereoorlog te huisves. Die Boere is volgens hulle oortuigings ten opsigte van die oorlog in aparte eilande opgedeel. Diegene wat geglo het dat die oorlog moes voortgaan is na Darrell's Eiland gestuur en is sterk bewaak. Morgan's Eiland het 884 manne gehuisves, Tucker's Eiland 809, Burt's Eiland 607 en Port's Eiland 35, waar die hospitaal-fasiliteite was.

Die koerant, New York Times het verskeie stories oor Boerekrygsgevangenes in Bermuda gepubliseer, byvoorbeeld 'n poging tot muitery op pad na Bermuda toe, en die daaropvolgende krygswet op Darryll's Eiland, sowel as drie Boerekrygsgevanenes se ontsnapping na die Bermudiese vasteland en ook oor die "avonture" van 'n jong Boeresoldaat wat in New York aangekom het in die stoomskip Trinidad.