Bespreking:Heupvervanging

Page contents not supported in other languages.
in Wikipedia, die vrye ensiklopedie

Standaard van die artikel[wysig bron]

Ek dink nie dat hierdie 'n artikel is wat tans nie aan die hoë standaarde van Afrikaanse Wikipedia voldoen nie moet word nie. Veel eerder is die probleem dié van die titel. Die onderwerp handel duidelik oor 'n heupvervanging, en is myns insiens enigsins net so 'n goeie dekking van die onderwerp as menige van die ander 7000 artikels op die Afrikaanse wikipedia (waarvan nie een op die skoonmaakbladys verskyn nie). Ek stel dus voor dat die titel na Heupvervanging verander moet word, van 'n inleidende paragraaf voorsien word en van die skoonmaaklys afgehaal moet wees. 'n Ander opmerking: Anrie beskuldig haarself van vrot spelling (viz. die twee vorme van sjirurgie versus chirurgie). Albei die vorme is aanvaarbaar en is amper streeksgebonde: dit hang af by watter Afrikaanse universiteit die sjirurg/chirurg sy/haar opleiding ontvang het. Nomdeplume

Ek het oorpsronklik die skoonmaaksjabloon bygevoeg omdat die artikel nie 'n inleidingsparagraaf bevat wat die in inhoud van die artikel omskryf nie. Ek besit self nie oor genoeg kennis om die takie self aan te pak nie (soos duidelik blyk uit die feit dat ek nie eers geweet wat die aanvaarde spelling vir sjirurgie/chirurgie is nie). Myns insiens is die inleidingsparagraaf by so 'n artikel uiters belangrik waar sulke uiterse vakgerigte onderwerpe van sprake is. Daarbenewens was die uitleg en algemene styl vir my aan die swakker kant.
Ek sien dat ek die sjabloon redelik vroeg na ek hier lid geword het bygevoeg het: ek was moontlik nog gewoond aan die hoë kwaliteitstandaarde van die Engelse Wikipedia en was vir 'n tydjie redelik vrygewig met die skoonmaak-sjablone. Anrie 17:29, 24 April 2007 (UTC)[antwoord]
Anrie, nee, dis heeltemal reg so. Ek was ook glad nie op die oorlogspad nie. Ek was geweldig lanklaas op die werf en het toevallig op dié artikel afgekom. Ek hou daarvan om dinge eers in die besprekingsblaaie te bespreek. Só raak 'n mens aan die gesels en leer mekaar ken. Ek bemerk hoe aktief jy op Wikipedia is -- dis heerlik om te sien; en, doe zo voort! Ek sal, sodra ek 'n kansie kry, die inleiding skryf, die taal beter versorg en die sjabloon wegneem. Nomdeplume