Bespreking:Universiteit Stellenbosch

Page contents not supported in other languages.
in Wikipedia, die vrye ensiklopedie

Afrikaans as onderrigstaal[wysig bron]

Gebruiker:Naudefj en Gebruiker:K175, help asb. Ons artikel vermeld tans dat Afrikaans as onderrigstaal by die Universiteit Stellenbosch afgeskaf is, maar die webbladsy is steeds Afrikaans/Engels en die taalpolitiek van die universiteit vermeld dat beide Afrikaans en Engels gelykwaardige onderrigstale is, met Xhosa derde. Dis inlyn met die Duitse artikel, wat dit só vermeld. Groete. -- SpesBona 20:50, 10 April 2018 (UTC)[antwoord]

Die universiteit self gebruik die amptelike Afrikaanse naam "Stellenbosch Universiteit". Hoekom is hierdie artikel getitel "Universiteit Stellenbosch"? Janneman27 (kontak) 21:48, 15 Februarie 2024 (UTC)[antwoord]

@Suidpunt @Oesjaar @BurgertB @Taalfoendi wat is julle menings hieroor? Ek stel graag belang in die antwoord. - Rooiratel (kontak) 08:34, 16 Februarie 2024 (UTC)[antwoord]
Ek het my vermoedens...
Eendag, nie so lank gelede nie, het die Afrikaanse taal gepraat van die Universiteit van Suid-Afrika, Universiteit van die Noorde, die Universiteit van Wes-Kaapland, die Universiteit van Kaapstad, die Universiteit van Pretoria, die Universiteit van die Oranje-Vrystaat, die Universiteit van Natal, die Universiteit van Fort Hare, die Universiteit van... jou wrintiewaar, Stellenbosch. Dit is eintlik in navolging van die genitief in Latyn, soos "Universitas magistrorum et scholarium Parisiensis" (die ou naam van die Sorbonne te Parys) en "Universitas Berolinensis" (die Universiteit van Berlyn, of Berlyn se Universiteit). Jy kan "se" of "van" gebruik.
Streng gesproke behoort die universiteit se naam dus "Universitas Stellenboschensis" te heet, volgens tradisie. Merk hier die -is, van die genitief, "van" of "se".
En hoe eenvormig is dit nie om "van" voor die pleknaam te plak nie?
Toe, op 'n dag, het mense begin wonder waarom "van" orals begin opduik, maar die meeste ken nie Latyn nie en die herkoms daarvan nie. En voorwaar, ink raak ook duur. Mense raak luier en ongeduldiger met die pen of met die knoppies. "Université de Sorbonne" is nou: Sorbonne Université. Maar o, gonna, ons het University of Oxford (OX), University of Cambridge (CAM), Universiteit Utrecht (UU, sonder die van), Universiteit van Amsterdam, Universiteit Leiden (ook sonder die van), jy kry Københavns Universitet (maar let op die genitief -s in Deens).
Nou mag jy tereg vra: wat van die NWU? Die "Potchefstroomse Universiteit vir Christelike Hoër Onderwys" (Pukke) het met die voormalige "Universiteit van Noordwes" saamgesmelt om die Noordwes-Universiteit te vorm. Dit staan so in hul geskiedenis. Jy weet mos, naamsveranderinge het mos iets magies in Suid-Afrika. 😂
Wat my betref, elkeen maak soos hy smaak. Suidpunt (kontak) 14:22, 16 Februarie 2024 (UTC)[antwoord]
Van die universiteit se webtuiste: "Die Universiteit Stellenbosch (US) ​is ten volle verbonde tot die strewe na kennis, navorsing en innovasie in diens van die samelewing."
Dit is hoe hulle nog altyd bekend was en in koerante genoem is. Dit kan wees dat die naam "Stellenbosch Universiteit" al hoe meer gaan voorkom na aanleiding van die Engelse naam, maar ek weet nie daarvan dat hulle Afrikaanse naam verander het nie. ~ Burgert (kontak) 08:17, 17 Februarie 2024 (UTC)[antwoord]

Uit hulle wapen is die die naam ook duidelik: Universiteit Stellenbosch / iYunivesithi Stellenbosch / Stellenbosch University.

~ Burgert (kontak) 08:42, 17 Februarie 2024 (UTC)[antwoord]