Bindura

in Wikipedia, die vrye ensiklopedie
Spring na: navigasie, soek
Bindura
Ligging van Bindura op 'n kaart (Zimbabwe)
Bindura
Bindura
Koördinate: 17°18′S 31°20′O
Land Vlag van Zimbabwe Zimbabwe
Provinsie Matabeleland-Sentraal
Distrik Bindura
Stigting 1901
Bevolking (1992)
 - Stad 21 167

Bindura is 'n dorp in Zimbabwe, noordoos van Harare geleë, met 'n geraamde bevolking in 2007 van 40 233.

Die dorp kan sy ontstaan terugvoer tot die ontdekking in 1890 deur Europese proskepteerders van verskeie antieke myne in die vallei onder 'n heuwel, wat die KoreKore-volk tradisioneel onaangeraak gelaat het wanneer hulle jaarliks die vallei aan die brand gesteek het. Die heuwel is uitgelos, sodat die diere daarheen kon vlug vir die KoreKore om te jag. Myne is hier begin en 'n dorpie, Bindura, het as handelspos ontstaan.

Hier is in 1970 'n gemeente van die Nederduitse Gereformeerde Kerk gestig, wat in 1973 meer as 200 volwasse lidmate gehad het en waarvan ds. J. Londt in daardie jaar die leraar was. Soos Chivhu, was dit 'n gebied met baie Afrikanerboere. Indertyd was daar 10 diakens en 10 ouderlinge. Die gemeente het egter voor onafhanklikheidwording van Zimbabwe opgehou bestaan.

Bronne[wysig]

  • Mayhew, Vic (red.), Reader’s Digest Illustrated Guide to Southern Africa, The Reader’s Digest Association South Africa (Pty.) Limited, Kaapstad, 1980.