Bloublasievis
| Bloublasievis | ||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
.gif) Tekening deur Dr Tony Ayling
|
||||||||||||||||||||||||||||
| Wetenskaplike klassifikasie | ||||||||||||||||||||||||||||
|
||||||||||||||||||||||||||||
| Binomiale naam | ||||||||||||||||||||||||||||
| Nomeus gronovii (Gmelin, 1789) |
Die Bloublasievis (Nomeus gronovii) is 'n vis wat wêreldwyd voorkom in tropiese en warm water. In Engels staan die vis bekend as die Bluebottle fish.
Inhoud |
Voorkoms [wysig]
Die lyf is lank en plat en die dorsale vin is in twee verdeel. Die pektorale vinne is groot. Die volwasse vis is bruin terwyl die onvolwasse visse se kop en lyf silwer-wit of blou is met blou vlekke en kolle op. Die vis word tot 42 cm groot.
Habitat [wysig]
Die vis leef in diep water van 76 – 200 m reg rondom die Suid-Afrikaanse kus. Die onvolwasse vissies bly saam met die pelagiese bloublasies (Physalia spp.) in 'n simbiotiese verhouding. Die vis kan tot tien keer die hoeveelheid gif - wat ander visse doodmaak - van die bloublasie absorbeer. Normalweg skei die bloublasie nie gif af wanneer die Bloublasievis aan sy tentakels raak nie. Daar word vermoed dat die vis se slym 'n chemiese element bevat wat die bloublasie verhoed om gif af te skei. Die Bloublasievis skuil in die tentakles van die bloublasie teen prooi en terselfdertyd beskerm hy die bloublasie teen sy vyande. Soms word die jagter van die Bloublasievis die bloublasie se prooi.
Sien ook [wysig]
- Alfabetiese lys van visse
- Lys van Suider-Afrikaanse visse volgens wetenskaplike name
- Lys van varswater visfamilies
- Lys van visfamilies
Bron [wysig]
- Coastal Fishes of Southern Africa. Phil & Elaine Heemstra. 2004. ISBN 1-920033-01-7
