Bloukraanvoël
| Bloukraanvoël | ||||||||||||||
|---|---|---|---|---|---|---|---|---|---|---|---|---|---|---|
 |
||||||||||||||
| Bewaringstatus | ||||||||||||||
| Wetenskaplike klassifikasie | ||||||||||||||
|
||||||||||||||
| Binomiale naam | ||||||||||||||
| Anthropoides paradiseus (Lichtenstein,AAH, 1793) |
Die bloukraanvoël is 'n skaars, endemiese, bedreigde standvoël en is ook 
Suid-Afrika se nasionale voël.
Inhoud |
[wysig] Identifikasie
'n Grondlopende, eiesoortige blougrys voël met lang pote, 'n dik kop met wit kroon, 'n pienk bek, en lang vlerkpluime wat soos 'n stert lyk en wat feitlik tot op die grond strek. Die pluime ontbreek by jonges.
105 cm
[wysig] Habitat
Hou in pare of swerms in die Karoo, heuwelagtige grasveld, klam valleie, landerye en langs mere op soek na saad en insekte. Verkies taamlik hoogliggende streke en swerf rond wanneer hulle nie nes maak nie.
[wysig] Verspreiding
Van die 15 verskillende kraanvoëls het die bloukraanvoël die ylste verspreiding. Alhoewel bloukraanvoëls in hulle historiese gebiede algemeen voorgekom het en die bevolking tussen 10,000 en 20,000 was, het daar 'n skielike afname in hulle getalle begin plaasvind sedert 1980, en hulle is tans as 'n bedreigde spesie geklassifiseer.
Die afgelope twee dekades het die bloukraanvoël in die Oos-Kaap, Lesotho, en Swaziland hoofsaaklik verdwyn. Die bevolking in die Noordvrystaat, KwaZulu-Natal, Limpopo, Gauteng, Mpumalanga en die Noord-Wesprovinsie het met tot soveel as 90% afgeneem. Die oorgrote meerderheid van die oorblywende bevolking is in die oostelike en suidelike dele van Suid-Afrika met 'n klein afgesonderde groepie by die Etoshapan in noordelike Namibië. Soms word afgesonderde broeipare in die buurlande, Namibië, Botswana, Zimbabwe en Mosambiek aangetref.
Die hoofoorsaak vir die drastiese afname van bloukraanvoëlgetalle in Suid-Afrika word toegeskryf aan die land se bevolkingsgroei, die aanplantings van plantasies op grasvelde, die gebruik van gifstowwe in die landbou, asook die gebruik of misbruik van gifstowwe wat vir ander spesies uitgesit word.
Die Suid-Afrikaanse regering beskerm die bloukraanvoël deur wetgewing. Ander bewaringsmetodes word ook aangewend, soos byvoorbeeld opleiding, navorsing, omgewingsbestuur en die werwing van hulp deur private grondeienaars.
[wysig] Geluid
Uiter 'n harde, ratelende, nasale "krraaaarrrk".
[wysig] Ander name
- Engels: Blue Crane, Stanley Crane of Paradise Crane.
- Nederlands: Paradijskraanvogel
- Wetenskaplike klassifikasie: Anthropoides paradiseus
[wysig] Sien ook
- Alfabetiese lys van Suid-Afrikaanse voëls
- Klassifikasie-indeks van Suid-Afrikaanse voëls
- Lys van Nasionale Simbole van Suid-Afrika
- Wetenskaplike naamindeks van Suid-Afrikaanse voëls
[wysig] Bronnelys
Newman se Voëls van Suider-Afrika, ISBN 1868729826
