Blouvlagstrande

Aanduiding van 'n Blouvlagstrand, 2007

'n Blouvlagstrand is 'n sertifikasie deur die Foundation for Environmental Education (FEE) dat 'n strand of mariene gebied aan hulle hoogste standaarde voldoen.

Kriteria

Enkele van die kriteria waaraan 'n blouvlagstrand moet voldoen:

• Die swemwater is van uitstekende kwaliteit.
• Die strand word skoongehou.
• Daar is voldoende toilette en wasbakke op die strand.
• Reddingstoerusting en 'n eerstehulp-pos is op die strand aanwesig.
• Ter beskerming van die natuurlike milieu van die see, strand en duinen word voorligtingsaktiwiteite georganiseer.

Suid-Afrika

Suid-Afrika het 23 strande met Blouvlagstatus. Aan meer as 3 450 strande in 41 lande is die predikaat Blouvlagstrand verleen. Dit is ‘n internasionale toekenning aan strande wat hoë standaarde handhaaf wat betref watergehalte, kleedkamers, strandwagte, omgewingsopvoeding en bestuur. In die bemarking van ‘n strandoord as ‘n toeristebestemming is Blouvlagstatus van groot belang.

By die volgende strande in Suid-Afrika wapper die blou vlag van die Stigting vir Omgewingsopvoeding:

Groter Kaapstad

• Clifton se vierde strand
• Kampsbaai
• Muizenberg
• Strandfontein
• Mnandistrand
• Bikinistrand, Gordonsbaai

Overberg

• Kleinmond
• Hawston
• Grottostrand, Hermanus

Suid-Kaap

• Lappiesbaai, Stilbaai
• Witsand aan die mond van die Breederivier
• Santos en Hartenbos (beide by Mosselbaai)
• Robberg by Plettenbergbaai

Oos-Kaap

• Dolfynstrand by Jeffreysbaai
• Humewood, Port Elizabeth
• Kariega se hoofstrand, by Kenton-on-Sea

KwaZulu-Natal

• Umzumbe (Pumula), Trafalgarstrand en Marinastrand, al drie aan die KwaZulu-Natal se suidkus
• Margatestrand, Ramsgatestrand en Lucienstrand, al drie by Margate