Blouwang-sonvis

in Wikipedia, die vrye ensiklopedie

Blouwang-sonvis
Wetenskaplike klassifikasie
Domein:
Koninkryk:
Filum:
Subfilum:
Infrafilum:
Superklas:
Klas:
Subklas:
Infraklas:
Superorde:
Orde:
Suborde:
Familie:
Genus:
Spesie:
L. macrochirus
Binomiale naam
Lepomis macrochirus
(Rafinesque, 1819)[1]
Sinonieme
  • Lepomis macrochira (Rafinesque, 1819)[3]

Die blouwang-sonvis (Lepomis macrochirus) is 'n varswatervis wat natuurlik voorkom in Noord-Amerika en is in 1938 in Suid-Afrika losgelaat. In Suid-Afrika kom hulle voor in die kusriviere van die Wes-Kaap, Oos-Kaap, middel van KwaZulu-Natal, Mpumalanga en die Noord-Vrystaat. In Engels staan die vis bekend as die Bluegill sunfish.

Voorkoms[wysig | wysig bron]

Die vis se lyf is diep en rond, met 'n dorsale vin wat oor bykans die hele rug strek. Die sylyn strek oor die hele lyf. Die stertvin is gevurk, die mond klein en die groot. Daar is 'n swart vlek op die boonste punt van die kieudeksel. Die kleur van die vis word beïnvloed deur sy omgewing en habitat. Gewoonlik is die vis groen-blou met dowwe vertikale bane op die lyf. Die pektorale vinne het 'n geel voorkoms. Die mannetjie se bors word oranjekleurig gedurende broeityd. Die vis word tot 200 mm lank en die Suid-Afrikaanse hengelrekord is 1.12 kg.

Habitat[wysig | wysig bron]

Die vis leef in stil water vol plantegroei in damme en riviere. Hulle vreet ongewerweldes en klein vissies. Die spesie broei in die somer. Die mannetjie bou 'n pieringvormige nes waarop die wyfie die eiers lê. Die eiers is taai en klou aan die nes vas en word deur die mannetjie opgepas. Die spesie neig om neste bymekaar te bou in dieselfde area. Die vis kan ouer as 10 jaar word.

Bewaring[wysig | wysig bron]

Die vis word as 'n plaag beskou aangesien hulle neig om onbeheersd aan te teel en op die inheemse spesies jag te maak. Die vis is ook nie 'n gewilde hengelvis nie.

Sien ook[wysig | wysig bron]

Bron[wysig | wysig bron]

Verwysings[wysig | wysig bron]

  1. 1,0 1,1 Rafinesque C.S., 1819. Prodrome de 70 nouveaux genres d'animaux découverts dans l'intérieur des États-Unis d'Amérique, durant l'année 1818. Journal de Physique, de Chimie et d´Histoire Naturelle v. 88: 417-429 (fr)
  2. uBio (en)
  3. Catalogue of Life[dooie skakel] (en)

Eksterne skakel[wysig | wysig bron]