Boeddhisme

in Wikipedia, die vrye ensiklopedie
Spring na: navigasie, soek
Die Dharma-Wiel is 'n simbool van die Boeddhisme
Lande met Boeddhiste
'n Boeddha beeld in Borobudur, Indonesië.

Die Boeddhisme is 'n Dharmiese geloof wat gestig is deur Siddhartha Gautama, beter bekend as die Boeddha.

Die Boeddhisme ontken die bestaan van beide die siel oftewel Self, en van 'n persoonlike God. Dit erken wel dat daar wesens bestaan wat langer lewe en magtiger is as die mens, maar glo dat alles verganklik is, selfs die gode. Om op te hou veg teen die verganklikheid en met 'n kalm gemoed daarin op te gaan is nirvana, die hoogste doelwit van die mens.

Daar is twee belangrike vertakkings in die Boeddhisme, die Hinayana en die Mahayana.


Oorsprong en vroeër leringe[wysig]

  • Die Lewe van Buddha

Siddhartha Gautama het in die sesde eeu v.C. in Noord-Indië gewoon. Daar word vertel dat hy grootgemaak is om 'n koning te word en met 'n pragtige prinses getrou het. As 'n jong prins sou sy pa hom teen al die hartseer van die wêreld buite die paleise beskerm het, maar op 'n keer het hy uitgeglip en die lyding daarbuite aanskou. Hy het toe sy gesin en lewe van beskerming en groot gerief verlaat om die antwoorde vir hierdie lyding te vind.

Ses jaar lank het hy getrag en gefaal, totdat hy onder 'n boom gaan sit en mediteer en sy "Groot Verligting" (opklaring) ontvang het. Hy het toe Boeddha geword, wat "die verligte een" beteken.

  • Die Leringe van Buddha

Sy volgelinge het hom die Boeddha genoem, wat die Verligte Een of die Ontwaakte beteken. Hy het sy nuwe lewenswaardes en geestelike verligting tydens 'n verlengde meditasiesessie in 'n bos onder 'n vyeboom gekry. Die begrip die Boeddha verwys ook na die diepste werklikheid in elke persoon. Deur meditasie en selfinkering moet alle mense die Boeddha ('n dieper selfbewussyn) in hulle binneste ontdek en sodoende geestelik ontwaak en verlig raak. Hierdie godsdiens is ook volkome misties. Dit vereis 'n eenvoudige lewe en 'n totale afkeer van die materiële wêreld. In die vroeë jare het Boeddhistiese monnike in Indië 'n geel gewaad gedra, hulle koppe kaal geskeer, lang tye gemediteer en met bedelbakkies rondgeloop om in hulle karige lewensbehoeftes te voorsien.


  • Die Vier Edele Waarhede
  • Anatman
  • Karma
  • Nirvana

Nuwe Groeperinge[wysig]

  • Mahayana
  • Tantrism
  • Advayavada-boeddhisme

Instellings en Gebruike[wysig]

  • Monastiese Lewe
  • Aanbidding
  • Moderne Buddisme

Boeddhisme het vinnig na Tibet, Sjina, Japan en ander Asiatiese lande versprei. Een van die bekendste Boeddhistiese leiers in die wêreld vandag is die Dalai Lama van Tibet. In Indië het dié geloof feitlik heeltemal uitgesterf en is hulle volgelinge deur die Hindoeïsme geabsorbeer. Die Boeddhiste koester die verwagting dat ná die stigter, Gautama, daar in die toekoms weer 'n Boeddha as hoofleier van hulle godsdiens op die toneel sal verskyn. Sy naam is Maitreya (‘Die Vriendelike Een’). Hy is 'n Bodhisattva ('n toekomstige Boeddha). Kontak tussen Boeddhisme en die Weste het reeds in die tyd van Alexander die Grote in die vierde eeu BCE [v.C.] plaasgevind. Boeddhisme het 'n aansienlike invloed op die Europese Hellenistiese kultuur uitgeoefen, waaruit die Christendom 'n paar eeue later voortgekom het… 'n Nuwe belangstelling in Boeddhisme het weer in die 20ste eeu ontstaan, veral onder die intelligentsia. Daar is vandag groot sentrums vir Therevada, Zen, Nichiren en Tibetaanse Boeddhisme in verskeie Westerse lande Die Boeddha-natuur word nie deur studie verkry nie, maar deur meditasie. Dit word in private én groepsessies beoefen.

Link[wysig]

Soetras van Boeddha