Boland
vanuit Wikipedia, die vrye ensiklopedie.
- Vir Boland, die rugbyspan, sien Boland (rugbyspan).
Die Boland het oorspronklik as "Bovenland" bekend gestaan om dit te onderskei van die res van die land, wat die "Onderveld" bekend gestaan het. Dit sluit die hele Suidwes-Kaap in, met die uitsondering van Kaapstad.
Die streek word oor die algemeen geag as die gebied tussen die mond van die Bergrivier en Swellendam, hoewel 'n meer akkurate beskrywing sou wees die dorpe Wellington, die Paarl, Franschhoek, Stellenbosch, Somerset-Wes, Strand en Gordonsbaai. Op sportgebied, weer, is die Boland alle gebiede in die Wes-Kaap wat nie deur die Westelike Provinsie en die Suidwestelike Distrikte beslaan word nie.
