Boshof

in Wikipedia, die vrye ensiklopedie
Spring na: navigasie, soek
Boshof
Ligging van Boshof op 'n kaart (Vrystaat)
Boshof
Boshof
Koördinate: 28°33′0″S 25°14′0″O Koördinate: 28°33′0″S 25°14′0″O
Land Vlag van Suid-Afrika Suid-Afrika
Provinsie Vrystaat
Distriksmunisipaliteit Lejweleputswa
Plaaslike Munisipaliteit Tokologo
Stigting 1855
Oppervlak
 - Dorp 91,7 km²  (35,4 vk m)
Bevolking (2011)[1]
 - Dorp 8 509
 - Digtheid 93/km² (240,9/myl2)
Tydsone SAST (UTC+2)
Poskode 8340
Skakelkode(s) 053
Vernoem na Jacobus Nicolaas Boshof

Boshof is ’n dorp in die weste van die Vrystaat, in Suid-Afrika aan die R64 provinsiale pad, 120 km wes van die Vrystaatse hoofstad Bloemfontein en 55 km oos van die Noord-Kaapse hoofstad Kimberley.

Geskiedenis[wysig]

Die dorp het oorspronklik bekend gestaan as Van Wyksvlei toe dr. Andrew Murray dit in 1856 op die plaas met dié naam uitgelê het. ’n Trekboer, ene D.S. Fourie het dit in 1839 van ’n Griekwa, ene Dwaid Danster, gekoop. Die kerk koop die plaas in 1855 by Fourie en omdat die Vrystaatse president Jacobus Nicolaas Boshoff ingewillig het om as peetvader van die nuwe dorp op te tree, word dit na hom vernoem.

Tweede Vryheidsoorlog[wysig]

Hewige gevegte het tydens die Tweede Vryheidsoorlog in April 1900 plaasgevind toe die Franse vrywilliger kolonel De Villebois-Mareuil, gesneuwel het. (Die grootste NG gemeente, Moreletapark, se een kerksentrum is in ’n straat in die ooste van Pretoria geleë wat na hom vernoem is.)

Volkspele[wysig]

Volkspele, ’n tradisionele Afrikaanse dansvorm, het sy oorsprong op Boshof. Op 28 Februarie 1914, tydens ’n Sondagskoolpiekniek op die plaas Vuisfontein, is dit die eerste keer uitgevoer. Dit was die verwesenliking van ’n ideaal van mnr. Samuel Pellissier, destyds onderhoof van Rooidakskool. Verskeie monumente vir Volkspele bestaan nog op Boshof en omgewing.

Omgewing[wysig]

Boshof is ’n boerderygemeenskap waarvan die belangrikste skaap, bees- en wildboerdery is, en van die land se beste rooivleis word in die Boshof-omgewing geproduseer. Groot stoettelers kom in die omgewing voor.

Naas bestaande gipsmyne in die omgewing, word diamantmyne wat ’n paar jaar lank nie in bedryf was nie, nou weer in produksie gestel.

Persone gebore in Boshoff[wysig]

Besienswaardighede[wysig]

  • NG kerkgebou wat in 1874 gebou is, in1913 vergroot en in 1954 hernu is. By die kerk is ’n gedenknaald ter gedagtenis aan die boere wat in die Tweede Vryheidsoorlog gesneuwel het.
  • Die Chris van Niekerk-museum, waar uitstallings uit Boshof se verlede, gesien kan word.
  • Die Bewaringsmuseum, waar items en geskrifte uit die onlangse verlede van Boshof en veral die eens bekende Rooidak-skool bewaar word.
  • Die Boshof-tronk, ’n pragtige klipgebou in 1891 opgerig en oorspronklik ontwerp vir Kroonstad.
  • Die Volkspele-monument, 3 km buite Boshof op die Christiana-pad, regoor die plaas Vuisfontein, waar die eerste Volkspele gehou is.
  • ’n Gedenkplaat ter ere van generaal Comte de Villebois-Mareuil (bevelvoerder van die Franse Legion) op die plaas Middelkuil, 10 km oos van Boshof op die Bosvarkpad.
  • Boshof se kalkklip-ommuurde begraafplaas waar die grafte van gesneuweldes van die Tweede Vryheidsoorlog gesien kan word, onder meer dié van assistent-hoof-kommandant C.C.J. Badenhorst, die bevelvoerder van die NW-OVS-boeremagte, dié van generaal Comte de Villebois-Mareuil (wat later herbegrawe is), van sersant Patrick Campbell, vervreemde eggenoot van die befaamde aktrise en minnares van George Bernard Shaw. Daar is ook talle gedenktekens van Engelse soldate. Die graf van Charles Gerhardus Marais, ouer broer van Eugene Marais, is ook hier.

Sien ook[wysig]

Bronne[wysig]

  • Rosenthal, Eric, "Encyclopaedia of Southern Africa", Juta and Company Limited, Kaapstad, 1978.
  1. Som van die hoofplekke Boshof en Seretse tydens die 2011-sensus.

Eksterne skakel[wysig]