Bosnagaap
| Bosnagaap | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 |
||||||||||||||||||
| Bewaringstatus | ||||||||||||||||||
| Wetenskaplike klassifikasie | ||||||||||||||||||
|
||||||||||||||||||
| Binomiale naam | ||||||||||||||||||
| Otolemur crassicaudatus É Geoffroy, 1812 |
||||||||||||||||||
 Brown greater galago range
|
Die Bosnagaap (Otolemur crassicaudatus) is een van drie spesies en die grootse van die nagape. Die soogdier kom in die oostelike dele van Suid-Afrika, Zimbabwe en die hele Mosambiek voor.
Inhoud |
Kenmerke [wysig]
Die bosnagaap het kenmerkende groot oë met groot kaal, beweeglike ore. Sy pels is dikker en meer wollerig as die van die Nagapie. Die mannetjie is effens groter as die wyfies. Sy agterbene is geweldig lank en gespierd om ver tussen bome te kan spring terwyl die voorbene amper onder ontwikkel lyk daarinteen. Die mannetjie weeg tot 1.2 kg terwyl die wyfie tot 1.13 kg weeg.
Habitat en gewoontes [wysig]
Die bosnagaap verkies woude, berg- en kusbos en ruie boomveld in hoë-reënvalstreke. In droër dele verkies hulle rivierbos. Die bosnagape is ook groeplewende nagdiere en kom lank na sononder te voorskyn. Bedags sit familigroepe hoog in bome en slaap maar snags wei elkeen op sy eie. Hulle was gereeld hulle pote met urine. Hulle lewensduur is onbekend.
Hulle eet gom, vrugte, insekte en soms ook reptiele en voëls terwyl hulle natuurlike vyande die luiperd en reuse ooruil is. Twee kleintjies word in Augustus tot September gebore na 'n dratyd van 4 maande.
Sien ook [wysig]
- Lys van Suider-Afrikaanse soogdiere
- Lys van Suider-Afrikaanse soogdiere volgens wetenskaplike name
- Suider-Afrikaanse soogdiere en hul ordes
Verwysings [wysig]
- ↑ Bearder, S. (2008). Otolemur crassicaudatus. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 1 January 2009.
Bron [wysig]
- Die Soogdiergids van Suider-Afrika. Burger Cillié. 2009. ISBN 978-1-875093-46-5
