Breaker Morant

in Wikipedia, die vrye ensiklopedie
Spring na: navigasie, soek
Harry "The Breaker" Morant
9 Desember 1864 – 27 Februarie 1902 (37 jaar oud)
Breaker Morant
Bynaam(e) Harry, The Breaker
Geboorteplek Bridgwater, Somerset, Engeland
Plek van afsterwe Pretoria, Suid-Afrika
Lojaliteit Vlag van Verenigde Koninkryk Verenigde Koninkryk
Jare in diens 1899–1902
Rang Luitenant
Eenheid South Australian Mounted Rifles

Bushveldt Carbineers

Veldslae/oorloë Tweede Vryheidsoorlog

Harry "The Breaker" Morant (* 9 Desember 1864 – † 27 Februarie 1902) was 'n Luitenant in die Bushveldt Carbineers vanaf Australië tydens die Tweede Vryheidsoorlog wat bekendheid verwerf het na sy skuldigbevinding en teregstelling weens moord op talle krygsgevangenes en ander ooggetuies van sy wandade. Die bynaam "Breaker" het hy gekry vanweë sy bedrewenheid met die inbreek van perde. Hy het ook gedig en van sy werk is in verskeie tydskrifte gepubliseer.

Gedurende sy diens in die Tweede Vryheidsoorlog, was hy verantwoordelik vir bevele vir die summiere teregstelling van verskeie Boere- en swart gevangenes, wat gelei het tot sy omstrede krygsverhoor en teregstelling vir moord deur die Britse Leër. Sy doodsbevel is persoonlik deur Lord Kitchener geteken al het hy dit later ontken.

In Australië is Morant na sy dood as 'n volksheld beskou. Sy verhaal is in verskeie boeke vertel asook 'n bekende film, die regisseur Bruce Beresford se Breaker Morant (1979), wat 'n romantiese voorstelling van Morant se wandade maak en feite van sy brutale optrede verswyg.

Eksterne skakels[wysig]