Bretton Woods, New Hampshire

in Wikipedia, die vrye ensiklopedie
Spring na: navigasie, soek
Bretton Woods
Die Mount Washington Hotel in 2003
Die Mount Washington Hotel in 2003
Ligging van Bretton Woods op 'n kaart (Verenigde State)
Bretton Woods
Bretton Woods
Koördinate: 44°15′29″N 71°26′28″W
Land Vlag van Verenigde State Verenigde State
Deelstaat Flag of New Hampshire.svg New Hampshire
County Coos
Hoogte 497 m (1 631 vt)
Tydsone EST (UTC-5)
 - Somer (DST) EDT (UTC-4)
Poskode 03575
Skakelkode(s) 603
GNIS feature ID 865781

Bretton Woods is 'n gebied (dorpie) in die suidooste van die dorp (Engels: town) Carroll (deelstaat New Hampshire, Verenigde State) wat danksy die Verenigde Nasies se Monetêre en Finansiële Konferensie wat hier tussen 1 en 23 Julie 1944 gehou is internasionale bekendheid verwerf het. Die konferensie het die aanleiding tot die stigting van die Wêreldbank en die Internasionale Monetêre Fonds in 1946 gegee, en Bretton Woods het sy naam aan die gelyknamige monetêre stelsel verleen wat uiteindelik in 1971 in duie gestort het.

Die dorp Carroll het 'n oppervlakte van 130 vierkante kilometer en 663 inwoners (2000) en staan veral vir sy natuurskoon en die ontspanningsgebiede in sy omgewing bekend. Carroll lê aan die voet van die Mount Washington, die hoogste bergspits in die gebied met 'n hoogte van 1 917 meter, en word omring deur die bosgebiede van die White Mountain National Forest. Die dorp bied 'n pragtige uitsig op die Mount Washington en 'n groot deel van die Presidential Range-bergreeks.

Besienswaardighede[wysig]

Die Mount Washington-tandradtrein
Die Mount Washington Hotel in 1905

Die belangrikste besienswaardighede in die feitlik onbewoonde natuurgebiede rondom Carroll is die Mount Washington Cog Railway, 'n tandradtrein wat tussen 1866 en 1869 in bedryf gestel is, en die indrukwekkende Mount Washington Hotel langs die Route 302.

Die hotel is in 1902 geopen en oorheers met sy argitektuur die omgewing, maar het veral bekendheid verwerf as die hotel waar die Bretoon Woods-Konferensie gehou is. Die hotel beskik oor twee gholfbane en is een van die laaste tipiese grand hotels van New Hampshire wat bewaar gebly het. Vandag is dit veral gewild by skitoeriste.