Bright Star Catalogue
Die Bright Star Catalogue, ook bekend as die Yale Catalog of Bright Stars, is ’n sterkatalogus wat al die sterre met ’n magnitude van 6,5 en hoër bevat – dit is min of meer al die sterre wat met die blote oog van die Aarde af gesien kan word.
Beskrywing[wysig | wysig bron]
Daar is 9 110 voorwerpe in die katalogus, waarvan 9 096 sterre is, 10 novas of supernovas en 4 nie-stellêre voorwerpe. Laasgenoemde is die bolswerms 47 Tucanae (HR 95) en NGC 2808 (HR 3671) en die oop swerms NGC 2281 (HR 2496) en Messier 67 (HR 3515).[1] Die katalogus het ’n vasgestelde getal inskrywings, maar die data word bygewerk en dit bevat deesdae ’n groot seksie vir kommentaar oor die voorwerpe wat gereeld verbeter word sedert die eerste uitgawe van 1908. Die vyfde en nuutste uitgawe is dié van 1991.
Hoewel die afkorting van die katalogus BS of YBS is, word die letters HR vooraan sterre gebruik – na aanleiding van die katalogus se 1908-voorganger, die Harvard Revised Photometry Catalogue deur die Harvard-kollegesterrewag.
Eerste uitgawes[wysig | wysig bron]
Die oorspronklike Harvard Photometry is in 1884 deur Edward Charles Pickering gepubliseer en het sowat 4 000 sterre bevat.[2] Daarna het Pickering ’n groter steropname voorgestaan wat ook sterre van die suidelike hemelruim sou insluit en in 1908 is die Revised Harvard Photometry gepubliseer met sterre in albei halfronde. Die werk is toe deur John A. Parkhurst voortgesit tot in die 1920's.[3]
Verwysings[wysig | wysig bron]
- ↑ Yale Bright Star Catalog, http://tdc-www.harvard.edu/catalogs/bsc5.html
- ↑ Johnston, Sean (2001), A history of light and colour measurement: science in the shadows, CRC Press, p. 39, ISBN 0-7503-0754-4, http://books.google.com/books?id=2wNVPfNkLpEC&pg=PA39
- ↑ Lankford, John (1997), History of astronomy: an encyclopedia, Garland reference library of social science, 771, Taylor & Francis, p. 397, ISBN 0-8153-0322-X, http://books.google.com/books?id=berWESi5c5QC&pg=PA397
Eksterne skakels[wysig | wysig bron]
- Yale Bright Star Catalog
- Volledige katalogus van CDS (FTP)
- Aanlyn-weergawe by VizieR
Hierdie artikel is vertaal uit die Engelse Wikipedia
