Brunstad Christian Church

in Wikipedia, die vrye ensiklopedie
Spring na: navigasie, soek
Die stigter Johan O. Smith (1871-1943).

Brunstad Christian Church, ook Smith se Vriende of Den Kristelige Menighet (in Noorweë), is ’n wêreldwye Christelike vereniging wat in die vroeë 20ste eeu in die Noorse provinsie Vestfold gestig is. Die onafhanklike kerkvereniging het sy oorsprong in Charismatiese tradisies soos die Pinksterbeweging, alhoewel dit in baie opsigte daarvan verskil.

Brunstad Christian Church is oorspronklik na sy stigter Johan O. Smith vernoem en het as Smith se Vriende bekend gestaan. Vandag is dit 'n georganiseerde gemeente met 'n amptelike lys van geregistreerde lede wat na hulself as Brunstad Christian Church verwys.

Smith se Vriende is die enigste wêreldwye Christelike gemeenskap wat in Noorweë ontstaan het.[1] Volgens die DCG se eie statistieke het die Gemeente vandag 30 000 vaste lede wat oor 65 lande versprei is.[2] Smith se vriende het drie gemeentes in Suid-Afrika: In Vanderbijlpark, Pretoria en Kaapstad.

Geskiedenis[wysig]

Die ontstaan van Smith se Vriende[wysig]

Johan Oscar Smith (18711943) word as die stigter van vandag se onafhanklike gemeente Smith se vriende beskou. Smith het as ’n onderoffisier in die Noorse Vloot gedien. Hy was gebore in Fredrikstad en het opgegroei in ’n Christelike huis. Op vyftienjarige ouderdom het hy 'n loopbaan as seeman gekies en twee jaar later, op 17-jarige leeftyd, het hy by die vloot aangesluit waar hy vir meer as 40 jaar gewerk het. Toe hy in 1898 26 jaar oud geword het hy het homself bekeer en begin om die teologiese grondslag vir die huidige leerstellings van Smith se Vriende te lê. Dit was die begin van wat vandag bekend staan as Smith se vriende.

Johan O. Smith het nie die bedoeling gehad om ’n gemeente te begin nie. Die groep was aanvanklik slegs 'n Christelike vriendekring. Een van die eerste “vriende“ was Theodor Ellefsen. Later het meer mense by die groep angesluit, waaronder Smith se broer Aksel Smith, 'n tandarts van beroep.

’n Ander belangrike persoon was Elias Aslaksen (18881976), wat net soos Smith in die vloot gedien het en in 1908 vir hom ontmoet het. Elias Aslaksen het die leier geword van Smith se vriende ná Smith se dood in 1976. Tydens sy loopbaan in die vloot en in die visserybedryf het Smith vir baie jare op see gevaar. Dit het aan hom die geleentheid gegee om vriende te maak langs die hele kus van Noorweë, vanaf die Oslofjord tot by Mehamn en Vardø.

Organisasie[wysig]

Ledetal[wysig]

'n Vergadering in die Brunstad Conference Center in Vestfold

Aangesien Smith se Vriende van begin af weinig belang in 'n interne organisasiestruktuur en die samestelling van ledelyste gestel het, is dit moeilik om die presiese ledetal te bepaal.[3] Daar is nogtans skattings oor die aantal lede. Brunstad Christian Church gaan daarvan uit dat hulle sowat 30 000 lede in 65 lande het. In Lowell D. Streiker se verslag uit die jaar 1996 word die ledetal op 30 000 beraam, waarvan bykans 15 000 volwassenes en 'n gelyke aantal kinders.[4] Ook Geir Lie verwys in sy berig oor Brunstad Christian Church na 'n ledetal van tussen 25 000 en 30 000 wat aan die toeneem is.[5]

Daarenteen beweer Johan Velten in sy boek „Ansatt av Gud: Et kritisk søkelys på Smiths venner“ (2002) ("Deur God benoem: 'n Kritiese benadering tot Smith se Vriende") dat Brunstad Christian Church slegs sowat 4 500 lede in Noorweë en 'n verdere 7 000 in die buiteland het. Hy verwys na gegewens uit die jaar 2001 wat deur Brunstad Christian Church ter verkryging van staatsondersteuning verstrek is en na internasionale navorsing oor sektes. In die somer van 2004 het 11 700 "Vriende" in Brunstad vir 'n "Somerkonferensie" byeengekom.

Verwysings[wysig]

  1. VG – God ryke friendeNoors
  2. DKMs offisiele nommers – Brunstad.org Besoek op 16 Januarie 2008 – Noors
  3. Kjell Arne Bratli: Korsets vei. Aanlyn beskikbaar: Kjell Arne Bratli
  4. Lowell D. Streiker: The Truth about Smith's Friends, bl. 3
  5. Geir Lie: Kristologien i Den kristelige menighet: en misforstått impuls fra Keswickbevegelsen?. Aanlyn beskikbaar: [1]

Eksterne skakels[wysig]

Commons
Wikimedia Commons het meer media verwant aan: