Imberi

in Wikipedia, die vrye ensiklopedie
(Aangestuur vanaf Brycinus imberi)

Imberi
Wetenskaplike klassifikasie edit
Domein: Eukaryota
Koninkryk: Animalia
Filum: Chordata
Klas: Actinopterygii
Orde: Characiformes
Familie: Alestidae
Genus: Brycinus
Spesie:
B. imberi
Binomiale naam
Brycinus imberi
(Peters, 1852)[2][3]

Imberi (Brycinus imberi) is 'n varswatervis wat voorkom in riviere aan die ooskus van Afrika noordwaarts van die Pongolarivier tot by die Rufgirivier in Tanzanië. Die vis kom ook voor in die Kongorivier en riviere in Wes-Afrika maar nie die boonste gedeelte van die Zambezirivier nie.

In Engels staan die vis ook bekend as Imberi of Spot tail - in die Caprivi staan die vis bekend as die Tweekoltiervis.

Voorkoms[wysig | wysig bron]

Die kop is klein, beenagtig en tipies tiervis. Die tande aan beide kake is opvallend, meerpuntig en in twee rye met 16 bo en 10 onder.

Die vissie se lyf is silwerig van kleur met olyfgroen skakerings op die bodele en geel tot oranje vinne. Daar is 'n swart kol agter die kop en groot vlek (kol) op die basis van die stertvin.

Die vissie word tot 180 mm groot en die wyfies is gewoonlik groter as die mannetjies. Die hengelrekord vir beide Suid-Afrika en Zimbabwe is 0,3 kg.

Habitat[wysig | wysig bron]

Die vissie kom in alle tipes water voor, maar as gevolg van die feit dat dit ‘n dwergtiervis is en dus dieselfde gewoontes het as sy groter neef, die tiervis, word dit gedwing om in vlak (verkieslik lopende) water te hou.

Hulle jaag alle tipes kunsaas en word per ongeluk gehaak. Die vissie self is uitstekende aas vir tiervis, skerptandbabers, vundu en selfs roofkurpers soos die olyfkurper (Nembwe) en smalkop-kurper.

Sien ook[wysig | wysig bron]

Bron[wysig | wysig bron]

Verwysings[wysig | wysig bron]

  1. UICN (en)
  2. BioLib (en)
  3. Peters, W. (C. H.), 1852. Diagnosen von neuen Flussfischen aus Mossambique. Monatsberichte der Akademie der Wissenschaft zu Berlin 1852: 275-276, 681-685.

Eksterne skakel[wysig | wysig bron]