Bulawayo
|
Bulawayo |
|
|---|---|
| Kaart | Vlag |
 |
|
 |
|
| Wapen | |
 |
|
| Land |  Zimbabwe |
| Distrikte | Bulawayo |
| Koördinate | |
| Gestig op | 1871 |
| Oppervlakte: | |
| - Totaal | vk km |
| Hoogte bo seevlak | 1 359 m |
| Bevolking: | |
| - Totaal (2005) | 1 500 000 |
| - Bevolkingsdigtheid | /vk km |
| Tydsone | UTC +2 |
| Burgemeester | Thaba Moyo |
Bulawayo is met 'n geraamde bevolking in 2005 van 1 500 000 Zimbabwe se tweede grootste stad naas Harare en die hoofstad van die gelyknamige provinsie, hoewel dit vir alle praktiese doeleindes eintlik die hoofstad van Matabeleland is. Dit is die vernaamste nywerheidstad in die land.
Die stad is op sy huidige perseel in 1894 aangelê, maar sy geskiedenis kan teruggevoer word tot 1868 toe daar 'n hewige stryd gevoer is oor wie die opvolger van koning Silkaats moes wees. Sy seun Lobengula het uiteindelik die nuwe koning van die Matabele geword en in 1872 het hy sy nuwe hoofstad, kwaBulawayo ("plek van die vervolgde man"), gestig.
Bulawayo is op die sentrale hoogland in Zimbabwe aangelê, 1 359 meter bo seespieël in 'n gebied wat sonnig en warm in die somer is en koel in die winter. Die reënval is hoofsaaklik tot die somer beperk en geweldadige donderstorms kom gereeld voor.
Op 1 November 1893 is die Matabele deur die aankomende leër van die British South Africa Company verslaan. Lobengula het gevlug na die noorde en sy hoofstad is aan die brand gesteek en het so byna geheel en al uitgebrand -- Shangani patrol. Die blanke stigters van die stad het gehoop dit sou eendag vir Johannesburg in grootte kon ewenaar, omdat daar gerugte was van ontsaglike goudvelde in die nabyheid. So het fortuinsoekers hierheen gestroom.
Ná opstande deur die Shona en Matabele onderdruk is, het die dorp vooruitgang begin maak. Die spoorlyn vanaf Suid-Afrika het die dorp op 19 Oktober 1897 bereik en het van daar noordwaarts aangehou tot by die Victoria-waterval en Harare, toe Salisbury. Stadstatus is in 1943 aan Bulawayo verleen.
Bulawayo se Afrikaanse skool, die Excelsiorskool, het finaal gesluit in November 1982. As finale projek is die agt leerlinge vir 'n week uitstappie na die Victoria-waterval gebring.
[wysig] Bronne
- Mayhew, Vic (red.), Reader’s Digest Illustrated Guide to Southern Africa, The Reader’s Digest Association South Africa (Pty.) Limited, Kaapstad, 1980.
- Olivier, ds. P.L. (samesteller), Ons gemeentelike feesalbum. Kaapstad en Pretoria: N.G. Kerk-uitgewers, 1952.
