Bulbjerg

Bulbjerg

Bulbjerg is ’n kalkklipkrans in noordelike Jutland, Denemarke, wat oor Skagerrak uitkyk. Dit is die enigste rots in Jutland en die enigste voëlkrans in Denemarke. Dit is ook die mees suidelike broeiplek van die Brandervoël. Bulbjerg is in die tradisionele Hanharred-distrik, naby Thy, geleë.

Oor die eeue heen is kalkblokke uit die krans gekap en as boumateriaal in die omliggende gebied aangewend, of tot ongebluste kalk verwerk. Besoekers het vroeër jare hul name in die kalkrots uitgekerf, waarvan dié van ’n 19de-eeuse koning vandag nog besigtig kan word. Gedurende die Tweede Wêreldoorlog het Duitse magte Bulbjerg as ’n uitkykpos gebruik; ’n klein betonverskansing is opgerig, wat deur die jare heen staande gebly het.

Skarreklit

Skarreklit (regs) teen die einde van die 19de eeu

Brandervoëls te Bulbjerg

Skarreklit was ’n rotsstapel wat ongeveer 100 m vanaf Bulbjerg in die see gestaan het. Dit het tydens ’n storm in 1978 afgebreek, hoewel die rotsbodem gedurende ebgety, of wanneer die seewaters kalm is, waargeneem kan word. Die basis van die stapel het uit vuursteen bestaan, wat teen die eroderende krag van die golwe weerstand kon bied, selfs lank nadat die see die sagter kalk rondom die struktuur al weggevreet het. Volgens oorlewering sou die instorting van Skarreklit die einde van die wêreld beteken. Skarreklit is vermoedelik na die kormorant (Deens: skarv, Jutse streekstaal: skar) vernoem; klit beteken 'duin', en in Jutlands ook 'krans'.

Eksterne skakels

• Wikimedia Commons het meer media in die kategorie Bulbjerg.