Calitzdorp

Calitzdorp
Calitzdorp
Koördinate: 33°32′0″S 21°41′0″O
Land	Suid-Afrika
Provinsie	Wes-Kaap
Distriksmunisipaliteit	Eden
Plaaslike Munisipaliteit	Kannaland
Land gekoop	1821
Kerk en Skool gebou	1853
Hoogte	233 m (764 vt)
Bevolking
- Stad	8 400
Tydsone	SAST (UTC+2)

Calitzdorp is 'n dorp in die Wes-Kaap (Suid-Afrika), omtrent halfpad tussen Ladismith en De Hoop. Die bekende R 62 hoofpad gaan deur Calitzdorp.

Geskiedenis

Aan die begin van die 19^de eeu het die eerste veeboere en jagters in die gebied inbeweeg. Die plaas Buffelsvlei is in 1821 aan die broers JJ en MC Calitz toegeken. Teen die 1840's was daar genoeg mense om 'n dorp te regverdig. In 1845 het een van die Calitz broers 'n gedeelte van sy plaas aan die NG Kerk geskenk. Die eerste kerk is eers in 1857 gebou. Die dorp het in 1913 'n munisipaliteit geword.

Distrik

Die distrik is 1 100 km² groot. Lusern, koring en tabak word verbou onder besproeiing maar die dorp is veral bekend vir sy gehalte van sagte vrugte, tafeldruiwe, en wyn. Die Calitzdorpdam is 3 km noord van die dorp in die Nelsrivier. Calitzdorp is die terminus vir 'n takspoor wat die dorp in 1924 bereik het vanaf Oudtshoorn. Calitzdorp Spa is 17 km noordoos van die dorp.

Sien ook

• Lys van dorpe in Suid-Afrika
• Spookplekke in Suid-Afrika

Bron

• Op Pad in Suid-Afrika. B.P.J. Erasmus. 1995. ISBN 1-86842-026-4
• Ensiklopedie van Suidelike Afrika. Eric Rosenthal. 1967.

Eksterne skakels

• http://www.calitzdorp.co.za/ - Inligting oor Calitzdorp