Cape Times
Die Cape Times is 'n Kaapstadse oggendblad wat op 27 Maart 1876 deur F.Y. St. Leger as die eerste dagblad in die land opgerig is. Dit was die eerste dagblad in Suid-Afrika en die enigste tot en met die verskyning van die Natal Mercantile Advertiser (tans die Daily News) twee jaar later.
[wysig] Sirkulasie
Die koerant het jare lank om sirkulasie met Die Burger meegeding, maar die stryd uiteindelik laat in die 20ste eeu verloor. Die sirkulasie was in 1974 byvoorbeeld 77 262 (toe een uit elke 14 Kapenaars dit gekoop het), maar in 2008 net 51 258 (toe net een uit elke 68 Kapenaars dit nog gekoop het).
Die koerant het tradisioneel die Verenigde Party en met die party se verdwying die Progressiewe Federale Party ondersteun, hoewel sy huidige standpunt meer onafhanklik is. Dit word tans uitgegee deur Independent News & Media.
[wysig] Sien ook
[wysig] Bronne
- Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.
