Carnac-eiland

in Wikipedia, die vrye ensiklopedie
Spring na: navigasie, soek

Carnac-eiland , Wes-Australië (32°7′22″S 115°39′49″O ) is 'n A klas natuurreservaat sowat 10 kilometer suidwes vanaf Fremantle.

Carnac-eiland soos vanaf C.Y O'Connor strand af gefotografeer

In 1803 het die Franse ontdekkingsreisiger Louis de Freycinet, die kaptein van die Casuarina die eiland die naam Île Pelée (Kaal-eiland) gegee. Dit het ook bekend gestaan as Île Lévilian en later as Île Berthelot. In 1827 het James Stirling die naam verander na Pulo Carnac-eiland ter ere van John Rivett Carnac die twee luitenant op sy skip HMS Success. "Pulo" is die Maleisiese woord vir eiland; dit is nie seker waarom Stirling die woord ingesluit het nie maar die woord is nie lank daarna uit die naam weggelaat.

In die vroeë dae van die Swanrivierkolonie is die eiland as 'n strafkolonie gebruik vir Australiese inboorlinge.

Die eiland is die tuiste van die Australiese seeleeu, die Tuimelaar Dolfyn en 'n groot aantal seevoëls. Dit is veral bekend vanweë die groot aantal slange wat daar voorkom, en veral vir die Tierslang. Om hierdie rede betree baie min mense die eiland. Daar is geen permanente varswaterbron op die eiland nie wat 'n besondere uitdaging aan die inheemse plant- en dierelewe op die eiland bied. Die Tierslang het al baie debat in wetenskaplike geledere ontketen oor hoe die slang kon aanpas by die geharde omgewing van die eiland.

Verwysings[wysig]

  • Carnac Island Nature Reserve : management plan [Perth, W.A.] : The Commission, 2003. Management plan (Western Australia. Dept. of Conservation and Land Management) ; no. 47

Eksterne skakels[wysig]