Caster Semenya

in Wikipedia, die vrye ensiklopedie
Semenya tydens die Olimpiese Spele van 2012 in Londen

Mokgadi Caster Semenya[1] OIB (* Ga-Masehlong, naby Polokwane, 7 Januarie 1991) is 'n Suid-Afrikaanse middelafstandatleet wat in die 800 m-item spesialiseer. Sy het in hierdie baanitem Suid-Afrikaanse en wêreldkampioen geword.

Op 6 Julie 2010 het die Internasionale Vereniging van Atletiekfederasies (IAAF) toestemming verleen dat sy weer teen vroueatlete mag deelneem, na uitgerekte spekulasie oor haar geslag.[2] Sy wen haar eerste wedloop na haar hertoetrede toe sy op 15 Julie 2010 gemaklik met 'n tyd van 2:04.22 by die Lappeenranta-spele in Finland wen.[3]

Tydens die Olimpiese Somerspele van 2012 wen sy 'n silwermedalje in die 800 m-wedloop (later deur die IOK opgegradeer na goud). Semenya het by die openingseremonie die Suid-Afrikaanse vlag gedra.[4]

Op 20 Augustus 2016 wen sy 'n goue medalje in die 800 m-wedloop by die Olimpiese Spele van 2016 in Rio de Janeiro, in 'n tyd van 1:55.28.[5]

Titels[wysig | wysig bron]

  • Olimpiese kampioen 800 m – 2016
  • Afrikakampioen 800 m – 2015
  • Wêreldkampioen 800 m – 2009
  • Suid-Afrikaanse kampioen 800 m – 2009
  • Afrika Jeugkampioen 800 m – 2009
  • Afrika Jeugkampioen 1500 m – 2009

Medaljes[wysig | wysig bron]

Internasionale medaljes
Datum Kompetisie Plek Uitslag Item
2009 Wêreldatletiekkampioenskap Berlyn 1ste 800 m
2011 Wêreldatletiekkampioenskap Daegu 2de 800 m
2012 Olimpiese Somerspele 2012 Londen Goud 800 m
2015 Afrika-atletiekkampioenskap Brazzaville 1ste 800 m
2016 Olimpiese Somerspele 2016 Rio de Janeiro Goud 800 m

Persoonlike rekords[wysig | wysig bron]

Item Prestasie Datum Plek
400 m 52,54 s 26 Maart 2011 Germiston
600 m 1.25,56 13 Junie 2012 Turku
800 m 1.55,28 (nasionale rekord) 20 Augustus 2016 Rio de Janeiro
1500 m 4.08,01 2 Augustus 2009 Bambous

Persoonlike lewe en eerbetonings[wysig | wysig bron]

Semenya het tydens die Vryheidsdag op 27 April 2014 die Orde van Ikhamanga in brons ontvang.[6]

Verwysings[wysig | wysig bron]

  1. Geboortecertificaat op BBC News
  2. IAAF: Semenya mág as vrou deelneem Geargiveer 17 Julie 2010 op Wayback Machine, Nuus24, besoek op 13 Julie 2010.
  3. Semenya wen eerste wedloop Geargiveer 18 Julie 2010 op Wayback Machine, Nuus24, besoek op 15 Julie 2010.
  4. "Caster Semenya rightly chosen to bear South Africa's flag at opening ceremony" (in Engels). CBS Sports. 22 Julie 2012. Geargiveer vanaf die oorspronklike op 3 Januarie 2014.
  5. "Rio Olympics: Caster Semenya Leaves No Doubt in 800" (in Engels). Geargiveer vanaf die oorspronklike op 8 Mei 2020.
  6. "Zuma presents National Orders in Pretoria" (in Engels). eNCA. 27 April 2014. Geargiveer vanaf die oorspronklike op 13 Oktober 2019.

Eksterne skakels[wysig | wysig bron]

Voorafgegaan deur
Natalie du Toit
Vlagdraer vir Vlag van Suid-Afrika Suid-Afrika
Londen 2012
Opgevolg deur
Wayde van Niekerk