Cecilia Bartoli

in Wikipedia, die vrye ensiklopedie
Spring na: navigasie, soek
Cecilia Bartoli
Cecilia Bartoli at BOZAR 2007.jpg
Geboortenaam Cecilia Bartoli
Geboorte 4 Junie 1966
Rome, (Italie)
Beroep(e) Mezzo-sopraan, opera sangeres
Portal.svg Musiekportaal

Cecilia Bartoli (gebore 4 Junie 1966 in Rome) is 'n Italiaanse mezzo-sopraan wat beskou word as een van die voorste operavertolkers van die moderne era. Sy is veral aktief in die herontdekking van musiek uit die barok en vroeë klassieke eras, operarepertorium waarvan sy reeds talle wereldpremieropnames gemaak het. Haar grootste faam berus in haar besonderse talent vir moeilike koloratuursang.

Biografie[wysig]

Beide haar ouers was professionele operasangers en Cecilia se ma was boonop nog haar sanglerares ook. Bartoli het ook musiek studeer by die Conservatorio di Santa Cecilia in Rome.

Sy het reeds vroeg in haar loopbaan begin werk met bekende dirigente soos Herbert von Karajan en Daniel Barenboim, dit nadat sy in 1987 ontdek is in 'n televisie huldeblyk aan die oorlede sopraan Maria Callas.

Waarskynlik oor sy nog 'n betreklike jong sanger was met die aanvang haar professionele loopbaan, het Bartoli vir eers gefokus op die operarolle van Mozart en Rossini. In hierdie uitdagende musiek kon sy haar tegniese vaardigheid bemeester en ook haar talent as 'n aktrise verfyn. In hierdie tydperk sing sy dus rolle uit Idomeneo, Die Huwelik van Figaro, Die Barbier van Seville, La Cenerentola, Cosi fan Tutte en Don Giovanni. Haar stem het oorspronklik 'n ryk mezzo timbre besit wat deur die jare verminder het soos wat sy die tessitura van haar stem laat styg het. Aldus sing sy nou ook met gemak in dele van die sopraan repertorium.

Behalwe vir die musiek van Mozart en Rossini het Bartoli ook 'n nis vir haarself gevind in die musiek van ander komponiste wie se vokale musiek nagelaat of vergete was om verskeie redes: hieronder geld die operas van komponiste Haydn, Salieri, Gluck, Vivaldi, Caldara en Scarlatti. Danksy haar passie vir hierdie musiek is sy 'n topverkoper van konserte en klassieke CD's in die musiekbedryf.

Diskografie[wysig]

Opera[wysig]

  • Bellini: La Sonnambula (2008)
  • Mozart: Don Giovanni (2001)
  • Handel: Rinaldo (2000)
  • Mozart: Mitridate (1999)
  • Haydn:Armida
  • Halevy:Clari
  • Rossini: Il Turco in Italia (1998)
  • Haydn: Orfeo ed Euridice (1997)
  • Mozart: La Clemenza di Tito (1995)
  • Mozart: Le Nozze di Figaro (1994)
  • Puccini: Manon Lescaut (1993)
  • Rossini: La Cenerentola (1993)
  • Mozart: Lucio Silla (1991)
  • Rossini: Il Barbiere di Siviglia (1989)
  • Rossini:La Scala di seta (1988)

Albums met stem en orkes[wysig]

  • Sacrificium (Arias geskryf vir Castrati) (2009)
  • Maria (Huldeblyk aan Maria Malibran) (2007)
  • Opera Proibita (2005)
  • The Salieri Album (2003)
  • Gluck Italian Arias (2001)
  • Cecilia and Bryn (1999)
  • The Vivaldi Album (1999)
  • Mozart Portraits (1994)
  • Rossini Heroines (1992)
  • Mozart Arias (1991)
  • Rossini Arias (1989)

Albums met stem en klavier[wysig]

  • Live in Italy (1998)
  • An Italian Songbook (1997)
  • Chant D'Amour (1996)
  • Italian Songs (1993)
  • Arie Antiche (1992)
  • If You Love Me –– “Se tu m’ami”: Eighteenth-century Italian Songs (1992)
  • Rossini Recital (1990)

Oratorium[wysig]

  • Pergolesi: Stabat Mater, Salve Regina (2000)
  • Scarlatti: Salve Regina
  • Stephanie (1993)
  • Mozart: Requiem (1992)

Kantates[wysig]

  • Rossini Cantatas Volume 2

Versamelings[wysig]

  • The Art of Cecilia Bartoli (2002)
  • A Portrait (1995)