Centurion
| Centurion Verwoerdburg |
|
.svg)  Centurion
|
|
| Koördinate: | |
|---|---|
| Land |  Suid-Afrika |
| Provinsie | Gauteng |
| Metropolitaanse Munisipaliteit | Stad Tshwane |
| Tydsone | SAST (UTC+2) |
Centurion (voor 1994: Verwoerdburg) is 'n stad in die Gautengprovinsie, Suid-Afrika, geleë tussen Pretoria en Johannesburg.
Inhoud |
[wysig] Geskiedenis
Centurion is gestig in 1964 as Verwoerdburg, vernoem na Hendrik Verwoerd, die "argitek van apartheid". Die polities neutrale naam Centurion is gekies kort ná die einde van apartheid. Dit het geen besondere betekenis nie en is waarskynlik gekies na aanleiding van Centurion Park (nou SuperSport Park) 'n krieketveld in die gebied.
Na afloop van die apartheid era (1994) is die Indiër woonbuurt Laudium, wat vantevore deel was van Pretoria, ingelyf in Centurion. Die swart woonbuurt, Olievenhoutbosch, is ook geskep op hierdie stadium.
In 2000 het die Centurion plaaslike regering deel geword van die Tshwane metropolitaanse gebied, wat Pretoria insluit, en die dorpsraad het ontbind.
[wysig] Infrastruktuur
Centurion is geleë op die kruising tussen die N1 (Johannesburg-Pretoria) en N14 (Krugersdorp-Pretoria) snelweë. Die R21 (Pretoria-OR Tambo Internasionale Lughawe) gaan ook deur Centurion.
Centurion het vinnig gegroei in die afgelope paar jaar en sluit tans in (Desember 2004) 'n moderne winkelsentrum (Centurion Mall), goeie vermaaklikheidsplekke en verskeie gholfbane. Die Centurion Gholf- en Residensiële Landgoed beskik oor uitstekende verblyfopsies en die Unitas-hospitaal verskaf mediese dienste van topgehalte.
Die Highveld Techno Park-ontwikkeling huisves internasionale tegnologiemaatskappye soos Siemens Telekomunikasie, Grintek en selfs verskeie Telkom-geboue.
[wysig] Gautrein
Daar is ook 'n stasie vir die Gautrein in Centurion. Die stasie is naby die Centurion-meer op die hoeke van Weslaan en Gerardstraat geleë. Passasiers kry 'n panoramiese uitsig oor Centurion soos hulle die stasie binnekom of verlaat.
[wysig] Skole
Daar is verskeie skole in Centurion -
- Laerskool Bakenkop
- Laerskool Fleur
- Laerskool Hennopspark
- Laerskool Louis Leipoldt
- Laerskool Rooihuiskraal
- Laerskool Swartkop
- Laerskool Valhalla
- Laerskool Wierdapark
- Centurion Christian School
- Hoërskool Eldoraigne
- Hoërskool Centurion
- Hoërskool Zwartkop
- Sutherland High School
- CVO Skool Verwoerdburg
- Cornwall Hill College
- Centurion Reformia Onafhanklike Laerskool
[wysig] Geografie
Centurion is geleë in die oorgangsgebied tussen die Hoëveld- en die Bosveld-gebiede en die Hennopsrivier vloei deur die hart van Centurion. As gevolg van sy ligging het Centurion 'n besonder ryk voëllewe.
[wysig] Woonbuurte van Centurion
- Amberfield
- Bronberrick
- Claudius
- Clubview
- Cornwall Hill
- Doringkloof
- Eldo Glen, Eldo Park, Eldo View, Eldow Meadows
- Eldoraigne
- Hennopspark
- Heuweloord
- Heuwelsig
- Highveld
- Irene
- Kloofsig
- Laudium
- Lyttelton, Lyttelton Hoewes en Lyttelton Manor
- Olievenhoutbosch
- Pierre van Ryneveldpark
- Raslouw
- Rooihuiskraal
- Sunderlandrif
- The Reeds
- Wierdapark
- Zwartkop.
