Champlainmeer

in Wikipedia, die vrye ensiklopedie
Spring na: navigasie, soek
Die Champlainmeer

Die Champlainmeer (Frans: Lac Champlain, Engels: Lake Champlain) is die grootste meer in Nieu-Engeland, wat grotendeels in die VSA-deelstaat/e Vermont en New York lê, terwyl die noordelike seegebied deel uitmaak van die Kanadese provinsie van Quebec. Die meer dra die naam van die Franse ontdekker Samuel de Champlain, wat die meer op een van sy reise in 1609 teengekom het.

Die Champlainmeer teen sononder

Die Champlainmeer is een van talle mere wat soos 'n boog vanuit Labrador in Kanada deur die noordelike Verenigde State tot by die Northwest Territories van Kanada strek. Alhoewel dit nie met die Ontario-, Erie-, Huron-, Bowe- of Michiganmeer vergelyk kan word nie, stoor die Champlainmeer 'n groot hoeveelheid varswater. Die meer met 'n oppervlakte van 1 269 vierkante kilometer is 201 kilometer lank en tot 23 km breed. Die meer beskik oor sowat 80 eilande, waarvan een 'n hele county van Vermont vorm.

Die meer, wat in die Champlainvallei tussen die Groen Berge (Green Mountains) van Vermont en die Adirondack-berge van New York lê, is die sesde grootste varswaterreserwe van die VSA en lê tussen 95 en 100 voet bo seevlak. Die see mond in die noorde met die Richelieurivier in die Sint-Laurensrivier naby Montreal uit, terwyl die watertoevoer in die suide van die riviere Otter Creek, Winooski, Missisquoi en Lamoille in Vermont en van die riviere Ausable, Chazy en Saranac in New York kom. Danksy die La Chute-rivier ontvang die Champlainmeer ook water van die Georgemeer.

'n Satellietfoto van die Champlainmeer (Landsat)

Die Champlainmeer se somerse water en winterse ysvlaktes is in die koloniale tydperk 'n belangrike verbindingsweg tussen die Sint-Laurens- en die Hudsonvallei. Die hawens Burlington (Vermont), Port Henry en Plattsburgh (New York) is in die 18de en 19de eeu belangrike handels- en militêre hawens. Vandag doen hier nog van plesier- en veerbote aan.

Volksverhale[wysig]

'n Kaart van die Champlainmeer en sy omgewing

Net soos Loch Ness in Skotland en die Lac Memphrémagog in die Estrie-gebied van Quebec beskik ook die Champlainmeer oor sy eie kriptosoölogiese toeriste-aantreklikheid met die naam Champ (Frans: Champie), 'n reusagtige waterdier wat van die meer sy tuiste gemaak het. Champ word deesdae nog maar sporadies raakgesien, verskyn egter gereeld op t-hemde, koffiebekers en ander soeweniers van die streek.

Die Vermont Lake Monsters, 'n plaaslike bofbalspan, gebruik 'n karikatuuragtige weergawe van Champ as hulle gelukbringer.

Eksterne skakels[wysig]