Chicxulub-krater

in Wikipedia, die vrye ensiklopedie
Spring na: navigasie, soek
Beelde van Nasa se Shuttle Radar Topography Mission STS-99 wys ’n deel van die 180 km wye ring van die Chicxulub-krater.

Die Chicxulub-krater (uitspraak: tʃ|iː|k|ʃ|ə|l|uː|b) is ’n prehistoriese impakkrater in die see onder die Yucatán-skiereiland in Mexico.[1] Sy middelpunt lê naby die dorp Chicxulub, waarna dit genoem is. Die ouderdom van die asteroïde-impak en die Kryt-Paleogeen-grens (K-Pg-grens) stem presies ooreen.[2] Die krater is 180 km breed en 20 km diep, en dit is dus een van die grootste impakkraters op Aarde. Die hemelliggaam wat dit veroorsaak het, se deursnee was minstens 10 km.

Die krater is in die 1970's ontdek deur twee geofisici wat petroleum in die Yucatán gesoek het. Die ouderdom van die rotse wat deur die impak geraak is, wys die krater dateer uit sowat 66 miljoen jaar gelede, die einde van die geologiese periode Kryt en die begin van die Paleogeen-periode. Dit val saam met die K-Pg-grens, die geologiese grens tussen die Kryt en Paleogeen. Dit dui daarop dat die impak verantwoordelik was vir die Kryt-Paleogeen-uitwissing, waarin onder meer al die nie-vlieënde dinosourusse uitgesterf het.[3][4]

Sien ook[wysig]

Kryt-Paleogeen-uitwissing

Verwysings[wysig]

  1. Earth Impact DB URL besoek op 2008-12-30
  2. Renne, Ludwig & Karner 2000
  3. Schulte, et al.
  4. Rincon.

Bronne[wysig]

  • Renne et al.. “Impact and Extinction”.
  • Schulte, Peter; Laia Alegret, Ignacio Arenillas, José A. Arz, Penny J. Barton, Paul R. Bown, Timothy J. Bralower, Gail L. Christeson, Philippe Claeys, Charles S. Cockell, Gareth S. Collins, Alexander Deutsch, Tamara J. Goldin, Kazuhisa Goto, José M. Grajales-Nishimura, Richard A. F. Grieve, Sean P. S. Gulick, Kirk R. Johnson, Wolfgang Kiessling, Christian Koeberl, David A. Kring, Kenneth G. MacLeod, Takafumi Matsui, Jay Melosh, Alessandro Montanari, Joanna V. Morgan, Clive R. Neal, Douglas J. Nichols, Richard D. Norris, Elisabetta Pierazzo, Greg Ravizza, Mario Rebolledo-Vieyra, Wolf Uwe Reimold, Eric Robin, Tobias Salge, Robert P. Speijer, Arthur R. Sweet, Jaime Urrutia-Fucugauchi, Vivi Vajda, Michael T. Whalen, Pi S. Willumsen (5 March 2010). “The Chicxulub Asteroid Impact and Mass Extinction at the Cretaceous-Paleogene Boundary”. Science 327 (5970): 1214–1218. DOI:10.1126/science.1177265. Besoek op 5 March 2010.
  • Rincon, Paul. "Dinosaur extinction link to crater confirmed", BBC, 2010-03-04. URL besoek op 2010-03-05.