Rugstringdiere

Rugstringdiere Tydperk: 540–0 Ma PreЄ Є O S D C P T J K Pg N
Pikaia gracilens
Wetenskaplike klassifikasie
Superkoninkryk: Eukaryota Koninkryk: Animalia Subkoninkryk: Eumetazoa Superfilum: Deuterostomia Filum: Chordata Bateson, 1885
Subfilos
Urochordata Cephalochordata Vertebrata

Die Rugstringdiere (Chordata) is die phylumbenaming vir 'n groep diere wat die gewerweldes, maar ook 'n groep naverwante ongewerweldes insluit. Die gemeenskaplike faktore van al hierdie diere is dat hulle op een of ander stadium van hulle lewens rugstringe; hol dorsale senu-koorde; faringeale splete; endostiele; en gespierde sterte het (of gehad het) wat verby die anus strek. Sommige wentenskaplikes redeneer egter dat die ware kwalikasie faringeale sakkies eerder as gleuwe moet wees.

Subphylums

Die phylum Chordata word onderverdeel in drie subphylums:

• Urochordata – Die larwe het 'n rugkoord en 'n senukoord, maar dit verdwyn teen volwassenheid.
• Cephalochordata – Die dier het 'n rugkoord en 'n senukoord, maar geen werwels nie.
• Vertebrata – Behalwe vir in die geval van die slymprik, is die dorsale hol senukoord omring deur kraakbeenagtige of benige werwels in die dier. Die rugkoord is gewoonlik verklein of afwesig in die volwassene.

Die chordate en twee suster phyla, die hemichordates en die echinoderms, verteenwoordig die deuterostome, 'n superphylum.

Daar word bespiegel dat die phylum ontstaan het as gevolg van paedomorfie wat in 'n primitiewe dier soos 'n spons of koraal plaasgevind het.

Die ekstant groepe van chordate is verwant soos in die phylogenetiese boom hieronder aangetoon word. Hulle pas nie goed in by die tradisionele groepe nie, en as gevolg hiervan is vertebrate klassifikasie in 'n vloeibare staat, alhoewel hulle verwantskappe nie goed verstaan word nie.

Die nie-uitgestorwe Chordata word hieronder aangetoon soos hulle in verhouding met mekaar staan in 'n filogenetiese stamboom:

Phylum Chordata

• Subphylum Urochordata
• Subphylum Cephalochordata
• Craniata (diere met skedels)
  • Subphylum Myxini (slymprikke)
  • Subphylum Vertebrata (diere met rugwerwels)
    • Klas Cephalaspidomorphi (lampreie)
    • Gnathostomata (gewerweldes met kake)
      • Klas Chondrichthyes (kraakbeenvis)
      • Teleostomi (vis met gebeendere, ~ Osteichthyes)
        • Klas Acanthodii
        • Klas Actinopterygii (straalvin visse)
        • Klas Sarcopterygii (vleisvin visse)
          • Superklas Tetrapoda (vierpotige gewerweldes)
            • Klas Amphibia (amfibieë)
            • Amniota (amniotiese eier)
              • Klas Synapsida (soogdieragtige reptiele)
                • Klas Mammalia (soogdiere)
              • Klas Sauropsida (die meeste van die hedendaagse reptiele)
                • Subklas Anapsida
                  • Orde Testudines (waterskilpaaie)
                • Subklas Diapsida
                  • Orde Lepidosauria (akkedisse, slange, en die tuatara, 'n likkewaanagtige dier van Nieu-Seeland)
                  • Archosauria
                    • Orde Crocodilia (krokodille, alligators, kaaimanne, en gawiale)
                    • Superorde Dinosauria
                      • Klas Aves (voëls)

Hierdie artikel is ten volle of gedeeltelik uit die Engelse Wikipedia vertaal.