Christa Steyn
| Christa Steyn | ||
|---|---|---|
| Geboortenaam | Christina Maria Schutte | |
| Geboorte | 15 Junie 1958 Krugersdorp, Suid-Afrika |
|
| Afsterwe | 11 Junie 2012 Pretoria |
|
| Beroep(e) | Komponis, musikant en sangeres | |
| Instrument(e) | Stem, klavier | |
| Aktiewe jare | 1986 - 2011 | |
| Webwerf | christasteyn.co.za | |
| Assosiasies | Jannie du Toit | |
 Musiekportaal |
||
Christa Steyn, gebore Christina Maria Schutte, (15 Junie 1958 in Krugersdorp - 11 Junie 2012 in Pretoria) was 'n komponis, pianis en Afrikaanse sangeres wat bekend is vir haar duette saam met Jannie du Toit (as Jannie en die Tannie)[1]. Haar verwerkings het verskeie kunstenaars help vestig, onder andere Anneli van Rooyen, Karin Hougaard en Jan de Wet.
Inhoud |
Biografie [wysig]
Steyn het by haar ma, Myra Schutte, geleer om die klavier te bespeel. In 1962 op vier-jarige ouderdom begelei sy reeds haar kleuterskool se koortjie wat Die Oukraalliedjie sing sonder dat haar ma daarvan weet.
Sy studeer musiek by die PU vir CHO en begin met klavierlesse by prof. Pieter de Villiers. Sy sukkel aanvanklik met musiekteorie, maar slaag haar teorie-eksamen in 1972 met lof.
In 1973 wen sy die Collegium Musicum-kompetisie vir 3 agtereenvolgende jare. In 1981 word haar eerste ses liedjies (as solo sanger) opgeneem, onder ander Eerste Liefde en Bly By My. In 1982 en 1984 wen sy Crescendo se komposisie-afdelings. In 1986 verskyn haar eerste plaat, Aan Die Einde Van Die Reënboog.
In 1988 word sy as musiekregisseur van Crescendo aangestel waar sy diens doen tot 1993. In 1991 word sy aangestel as die kursusleier van die ATKV se Ligteliedjiewerk-skool tot 2000. In 2004 word sy deur die ATKV aangewys as die Afrikaanse Liedjieskrywer van die jaar.
Steyn is op 11 Junie 2012 oorlede nadat sy ’n lang stryd teen kanker verloor het.[2][3]
Diskografie [wysig]
- Jannie en die Tannie, Twee Musikante - 20 Jaar DVD, 2005/2006 SELECT
- My Treffers, 2004 EMI
- Christa speel die "oldies", 2002
- Rondo, 1999 ANZ/JNS
- Baroque for Babies, 1997/1999
- Strykers vir Snuiters kompilasie, 1996/1998 EMI
- Christa speel die Meesters, 1996 JNS
- Burlesque, 1994 JNS
- Spirit of Ecstasy, 1989 JNS/BRIGADIERS
- Christa Steyn TC/LP, 1987 VENUS
- Neem My Hand My Vriend / Dapper Vrou 7", 198? VENUS
- Aan Die Einde Van Die Reënboog TC/LP, 1986[4]
Verwysings [wysig]
- ↑ Christa Steyn raak kêns, Beeld, 25 Maart 2005
- ↑ Johnson, Amy (12 Junie 2012). “Christa Steyn sing nou in engelekoor”. (html) Nuus24. URL besoek op 12 Junie 2012.
- ↑ Van Wyk, Pauli (11 Junie 2012). “Christa Steyn verloor stryd”. (html) Beeld. URL besoek op 12 Junie 2012.
- ↑ Vetseun.co.za, besoek op 3 April 2010.
