Christoffel I van Denemarke

in Wikipedia, die vrye ensiklopedie
Christoffel I
Koning van Denemarke

Periode 1252–1259
Voorganger Abel
Opvolger Erik V
Huis Estridsen
Vrou Margaret Sambiria
Kinders Erik V
Matilda
Margaret
Vader Waldemar II
Moeder Berengária van Portugal
Gebore 1219
Oorlede 29 Mei 1259

Christoffel I (121929 Mei 1259) was van 1252 tot 1259 koning van Denemarke. Hy was die seun van Waldemar II en sy tweede vrou, Berengária van Portugal, en die broer van Abel en Erik IV.

Abel is op 29 Junie 1252 op 33-jarige ouderdom vermoor. In dié stadium is sy seun Waldemar deur die aartsbiskop van Keulen as gyselaar gehou en Christoffel is as koning gekies. Hy is op Kersdag 1252 gekroon.

Bewind[wysig | wysig bron]

Christoffel het probeer om Erik IV as heilige te laat verklaar en het Abel van die moord beskuldig. As die pous dit sou erken, sou die moord Abel se seuns van die troonopvolging uitsluit en die kroon vir Christoffel se seuns verseker. Hy het egter nie daarin geslaag nie.

Die koning het tydens die grootste deel van sy bewind teen sy vyande geveg. Deur Abel se seun, Waldemar, toe te laat om die Hertog van Suid-Jutland te word, het hy ’n burgeroorlog voorkom, maar die teiken van sameswering en verraad geword. Christoffel het ook vasgesit met die nuwe Aartsbiskop van Lund, Jacob Erlandsen, wat nou verbind was met Abel se familie. Hy het geweier om belasting te betaal en kleinboere verbied om militêre diens te doen. Hy het die koning ook uit die kerk geban om te wys hy is onversetlik. Hy het verder geweier om Christoffel se seun as troonopvolger te erken en enige biskop wat hom as koning kroon, met die ban gedreig.

Chritoffel het die biskop deur sy eie seun laat gevange neem en in die tronk gegooi. Toe hertog Waldemar sterf, het Christoffel dié se broer, Erik, probeer verhoed om sy plek in te neem. Waldemar se weduwee het toe ’n paar grawe van Noord-Duitsland oorreed om te rebelleer. In die verwarring het Christoffel na Suid-Jutland gevlug en by ’n biskop gebly. Hy is "onverwags" dood nadat hy Nagmaal gebruik het. Hy is vermoedelik vergiftigde Nagmaalwyn gegee oor sy slegte behandeling van biskop Erlendsen en sy onderdrukking van die kerk. Sy bondgenote het hom daarna Krist-Offer ("Christus se offer") genoem.

Huwelik en kinders[wysig | wysig bron]

Christoffel het in 1248 getrou met Margaret Sambiria van Kassuben in Pommere, en hulle het minstens drie kinders gehad:

Volgens sommige bronne het die egpaar nog twee seuns, Niels en Waldemar, gehad wat jonk dood is.

Verwysings[wysig | wysig bron]

Hierdie artikel is merendeels vertaal vanaf die Engelse Wikipedia-artikel en:Christopher I of Denmark