Christuskerk, Windhoek

Die Christuskerk in Windhoek

Die Evangelies-Lutherse Christuskirche in Windhoek, Namibië, is op inisiatief van pastoor Wilhelm Anz in April 1896 beplan, deur die argitek Gottlieb Redecker ontwerp en tussen 1907 en 1910 opgerig. Die inwyding het op 16 Oktober 1910 plaasgevind. Die kerk is tans een van die bekendste bakens in die Namibiese hoofstad.

Geskiedenis en argitektuur

Die kerk is in die Neoromaanse styl met Art Nouveau-elemente ontwerp en op 'n helling in Sentraal-Windhoek, die historiese middestad, opgerig. Ná die einde van die oorloë tussen die Duitse koloniale magte en die Nama's, Herero's en Ovambo's is die kerk in 1910 as Vredeskerk ingewy.

Die kerktoring met 'n hoogte van 42 meter is net soos die res van die kerkgebou van kwartssandsteen gebou. Die enigste uitsonderings is die portaal en die altaar waarvoor Carrara-marmer gebruik is. Die sandsteen is die enigste inheemse boumateriaal wat deur die Guche-Ganus-plaas sowat 30 kilometer buite Windhoek verskaf is. Die gebrandskilderde vensters in die altaarruimte is in Neurenberg, Duitsland vervaardig en deur keiser Wilhelm II aan die gemeente geskenk. Die kerkorrel is in Ludwigsburg naby Stuttgart gebou. Die Christuskerk se drie klokke is deur Franz Schilling in die klokkegietery te Apolda, Thüringen, gegiet. Dr. Seitz het die altaarskildery in 1914 geskenk: 'n nabeelding van Rubens se Opwekking van Lasarus deur Clara Berkowski van Berlyn.

Fotogalery

Aktueel

• 
  Suidelike aansig
• 
  Altaar binne die kerk
• 
  Die Christuskerk soos vanaf die Tintenpalast gesoen
• 
  Sam Nujoma-standbeeld in die voorgrond (historiese plek van die ruiterstandbeeld), 2014

Histories

• 
  Ruitermonument in die voorgrond, 2004
• 
  Aansig omstreeks 1910

Eksterne skakels

• (de) Christuskirche by structurae