Ciguatera

in Wikipedia, die vrye ensiklopedie
Spring na: navigasie, soek
Chemiese struktuur van Ciguatoksien-CTX1B.

Ciguatera is die vergiftiging deur inname van die gifstof Ciguatoksien. Ciguatoksien kom in alge in tropiese gebiede voor, veral in die Stille Oseaan en die noorde van die Karibiese See, waaronder die seë rondom Saba (Sababank), Sint Eustatius en Sint Maartin.

Visse eet die alge waarna die gifstof uiteindelik na mense wat vis eet oorgedra word. Groot roofvisse soos die barrakuda, bontpalings en tandbaars kan hoë konsentrasies van die gif bevat. Ciguatoxine is hittebestand en word nie vernietig as die vis gekook of gebak word nie.

Algemene simptome is naarheid (nausea), opgooi, diarree, hoofpyn, spierpyn en hallusinasies. Daar bestaan geen spesifieke behandeling teen ciguateravergiftiging nie. Slegs die simptome kan behandel word. Dit kan voorkom word deur nie vis uit risikogebiede te eet nie.