Cisalpino

in Wikipedia, die vrye ensiklopedie
Spring na: navigasie, soek
Cisalpino AG
Tipe Aktiengesellschaft
Gestig 1993
deur André Citroën
Hoofkantoor Muri bei Bern, Switserland
Gebied bedien Duitsland, Italië en Switserland
Industrie Vervoermaatskappy
Produkte Treine (passasiervervoer)
Webwerf Cisalpino
Dissolved 13 Desember 2009
Die Cisalpino
Die binneruimte van die Cisalpino

Die Cisalpino was 'n sneltrein, wat die stede Stuttgart (Duitsland), Basel, Genève, Zürich (Switserland), Milaan, Venesië en Florence (Italië) met mekaar verbind het. Die Italiaanse kantelbaktrein ETR 470, wat in die volksmond as "Pendolino" bekend staan, het 'n gerieflike en snelle verbinding tussen Italië, Switserland en Duitsland gebied.

Die Cisalpino het op drie lyne gery, wat almal deur een of meer van die Switserse Alpe se groot spoorwegtonnels geloop het:

  • Stuttgart - Zürich - (Gotthardtonnel) - Milaan - Florence (hierdie lyn is verkort tot die verbinding Stuttgart-Zürich)
  • Basel - Bern - (Lötschbergtonnel) - Brig - (Simplontonnel) - Milaan
  • Genève - Lausanne - Brig - (Simplontonnel) - Milaan - Venesië

Die trein het twee klasse gehad (eersteklaspassasiers het selfs kragproppe ter beskikking gehad) en het ook oor 'n eetwa beskik.

Die Cisalpino is bestuur deur die Cisalpino AG, wat sy hoofkwartier in Bern gehad het en 'n gemeenskaplike onderneming van die Switserse spoorwegmaatskappy SBB/CFF en die Italiaanse Trenitalia was. Die personeel op die treine was afkomstig van die Switserse SBB/CFF, Trenitalia en die Duitse spoorwegmaatskappy Deutsche Bahn. Die spyseniering aan boord was aangebied deur die Italiaanse maatskappy Cremonini S.p.A. in Rome.

Teen die begin van 2004 het SBB en Trenitalia 14 nuwe ETR 610-hoësnelheidstreine van die Franse vervaardiger Alstom bestel. Hierdie treine sal 'n reissnelheid van sowat 250 kilometer per uur bereik en met die opening van die Lötschberg-basistonnel Bern en Milaan met mekaar verbind. Tot by die aflewering van die nuwe treine opereer die Cisalpino AG gewone eerste- en tweedeklaswaens, wat in die nuwe silwergrys Cisalpino-kleur geverf was en tot by Nice en Livorno gery het.