Citlaltépetl

Citlaltépetl of Pico de Orizaba
Ligging	Meksiko
Hoogte	5 636 meter bo seevlak
Reeks	Sierra Volcánica
Koördinate	19°01′45″N 97°16′09″W
Bergtipe	Stratovulkaan
Laaste uitbarsting	1846
Eerste bestyging	10 Mei 1848
Eerste bestyger(s)	F. Maynard en G. Reynolds
Vertaling van naam	Berg van die ster (Nahuatl)
Citlaltépetl of Pico de Orizaba

Satellietbeeld van die Citlaltépetl.

Citlaltépetl (Nahuatl: Cītlaltepētl, Spaans: Pico de Orizaba) is 'n berg in Noord-Amerika wat op die grens tussen die twee Meksikaanse deelstate Puebla en Veracruz geleë is. Met 'n hoogte van 5 636 meter is dit die derde hoogste berg van Noord-Amerika ná die Mount McKinley en die Mount Logan, die hoogste vulkaan van Noord-Amerika en die hoogste berg van Meksiko.

Die Citlaltépetl is halfpad tussen Puebla de Zaragoza in die weste en Veracruz, Veracruz in die ooste geleë. Dit is die tweede hoogste alleenstaande berg ter wêreld ná die Kilimandjaro. Sy sneeubedekte spits is op helde dae vanaf die Golf van Meksiko sigbaar. Die naam van die berg beteken in die Asteekse taal Nahuatl "berg van die ster" en is 'n kombinasie van die twee woorde citlal(in) ("ster") en tepētl [ˈtepeːt͡ɬ] ("berg").

Eksterne skakels

• Wikimedia Commons het meer media in die kategorie Citlaltépetl.
• (en) "Volcano Pico de Orizaba". Encyclopædia Britannica. Besoek op 9 Junie 2017.
• (en) Citlaltépetl in die Global Volcanism Program van die Smithsonian Institution
• (en) Citlaltépetl op peakbagger.com