Clarens, Vrystaat

in Wikipedia, die vrye ensiklopedie
Spring na: navigasie, soek
Clarens
Dorpsbeeld Clarens.jpg
Bynaam: Juweel van die Vrystaat
Ligging van Clarens op 'n kaart (Vrystaat)
Clarens
Clarens
 Clarens se ligging in Vrystaat
Koördinate: 28°31′S 28°25′O Koördinate: 28°31′S 28°25′O
Land Vlag van Suid-Afrika Suid-Afrika
Provinsie Vrystaat
Distrik Thabo Mofutsanyane
Munisipaliteit Dihlabeng
Stigting 1912
Regering
 - Tipe Deel van plaaslike munisipaliteit
Oppervlak[1]
 - Dorp 13,7 km²  (5,3 vk m)
Bevolking (2011)[1]
 - Dorp 6 379
 - Digtheid 466/km² (1 206,9/myl2)
Ras (2011)[1]
 • Swart 91.5%
 • Kleurling 0.7%
 • Indiër/Asiër 0.5%
 • Blank 6.9%
 • Ander 0.4%
Taal (2011)[1]
 • Sotho 84.9%
 • Engels 6.3%
 • Afrikaans 4.9%
 • Gebaretaal 1.5%
 • Ander 2.4%
Poskode (straat) 9707
Poskode (posbus) 9707
Skakelkode(s) 058

Clarens is 'n klein dorp in die Oos-Vrystaat, Suid-Afrika wat aan die voet van die Malutiberge geleë is. Dit ressorteer onder die Dihlabeng Plaaslike Munisipaliteit in die Thabo Mofutsanyana-distriksmunisipaliteit. Die dorp staan bekend as die "Juweel van die Vrystaat".

Geskiedenis[wysig]

Die dorp is in 1912 tussen die hoofsaaklik sandsteenberge gestig; die voorheuwels van die Rooiberge. Die dorp is vernoem na Clarens in Switserland waar President Paul Kruger van die Zuid-Afrikaansche Republiek in ballingskap oorlede is. Paul Kruger se verbintenis met Clarens gaan terug na 1866 toe hy sy Transvaalse kommando ter ondersteuning van die Vrystaat se oorlog teen die Basoeto's gelei het. Vyf van sy manskappe is by Noupoort gedood.

NG gemeente Clarens[wysig]

Die NG kerkgebou van sandsteen.

Die NG gemeente Clarens is in 1920 van Bethlehem afgestig. Die eerste predikant was ds. S.J. Stander. Die Clarens-tak van die Oranje-Vrouevereniging het die President Paul Kruger-gedenksaal vir die gemeente laat bou. Eers in 1940 is die kerkgebou opgerig waarvan die destydse predikant, ds. J.J. le Roux, die hoeksteen gelê het. In die voorportaal van die kerk is 'n klip ingemessel wat kom uit die fondament van die tweede Voortrekkerkerkie wat in Natal gebou is. Bokant die klip is 'n koperplaat aangebring met die opskrif: "Hierdie klip is uit die Marianna (Tweede Voortrekkerkerkie), gebou deur die Voortrekkers in 1852 op Mount Howell, tussen die groot en klein Tugela, Natal, en is gesloop in 1874."

Die gemeente wat, soos die dorp, altyd klein was, se belydende lidmate het in 2012 op 142 gestaan en die dooplidmate op 65, vergeleke met 150 en 60 tien jaar vantevore (2002) en 285 en 126 in 1952.

Lidmate van die Nederduitsch Hervormde Kerk sowel as die Gereformeerde Kerk word bedien deur daardie kerke se gemeentes op Bethlehem.

Clarens vandag[wysig]

Clarens is besonder gewild onder toeriste aangesien dit een van die mooiste bergdele in Suid-Afrika is. Clarens is naby die Golden Gate Hoogland Nasionale Park geleë. Die oordrag tonnel van die Lesotho-Hoogland-waterprojek mond net buite die dorp uit in die Asrivier.

Fotogalery[wysig]

Sien ook[wysig]

Bronne[wysig]

Verwysings[wysig]

  1. 1,0 1,1 1,2 1,3 Som van die hoofplekke Clarens en Kgubetswana tydens die 2011-sensus.