Clocolan
| Clocolan | |
 |
|
.svg)  Clocolan
|
|
| Koördinate: Koördinate: | |
| Land |  Suid-Afrika |
|---|---|
| Provinsie | Vrystaat |
| Distriksmunisipaliteit | Thabo Mofutsanyana |
| Plaaslike Munisipaliteit | Setsoto |
| Stigting | 1907 |
| Oppervlak | |
| - Stad | 16,71 km² (6,5 vk m) |
| Hoogte | 1 580 m (5 184 vt) |
| Bevolking (2001) | |
| - Stad | 1 366 |
| - Digtheid | 82/km² (212,4/myl2) |
| Tydsone | SAST (UTC+2) |
Clocolan is 'n dorpie in die Oos-Vrystaat en is in 1907 gestig. Die dorpie lê aan die R26, halfpad tussen Bethlehem en Bloemfontein. Die dorp is gestig op die plase Reinzi en Harold en het sy naam te danke aan die Afrikanerboere wat in die omgewing geboer het wat die "Hlohlowane"-berg wes van die huidige Clocolan (Hlohlowane is 'n Sothowoord en beteken "rif van die veldslag") se uitspraak verkeerd gehad het.
Die Oos-Vrystaat is alombekend vir die majestueuse sandsteenformasies in die omgewing. Clocolan maak deel uit van die gebied wat van Lesotho verower is gedurende die Basotho-oorloë van die vroeë 1800's. Die area is ryk aan geskiedenis van die Afrikaners wat hulle hier gevestig het asook die Basotho wat hier gewoon het. Die dorp is die gasheer vir die jaarlikse Veteraantrekker uitstalling in Maart.
Clocolan het die tweede kleinste distrik in Suid-Afrika maar is een van die beste landboudistrikte in die land. Die area is bekend vir die verbou van koring en mielies, groot troppe beeste en skape en die verbou van spesialiteitsvrugte soos kersies.
"Die Plaashuis"-gastehuis is een van die bekendste in Clocolan en spog met 'n vyfstergraad. Die beskikbare kamers is Ouma Dot se kamer, Oupa Sarel se kamer, Oom Koos se kamer, Tant Ali se kamer, Tannie Maggie se kamer en die Lady Ann kothuis.
Die gemiddelde somertemperature wissel tussen 15°C en 32°C en die wintertemperature wissel tussen 1°C en 17°C. Die dorp lê in 'n somerreënvalgebied.
