Constand Viljoen

in Wikipedia, die vrye ensiklopedie
Spring na: navigasie, soek
Constand Viljoen
Gebore 28 Oktober 1933 (1933-10-28) (80 jaar oud)
Constand Viljoen

Generaal Viljoen

Geboortenaam Constand Laubscher Viljoen
Geboorteplek Standerton
Lojaliteit Vlag van Suid-Afrika Suid-Afrika
Jare in diens 1956-1985
Rang Generaal
Veldslae/oorloë Grensoorlog

Constand Laubscher Viljoen SSA SD SOE SM is die stigter van die Vryheidsfront en ʼn voormalige Hoof van die Suid-Afrikaanse Weermag.

Constand Viljoen is gebore op 28 Oktober 1933 en ontvang sy skoolopleiding aan die Laerskool Perdekop en Hoërskool Standerton. Hy sluit daarna aan by die Suid-Afrikaanse Weermag, en behaal die graad B.Sc (B.Mil) aan die Universiteit van Pretoria in 1955.

Viljoen word bevorder tot Luitenant-Generaal in 1976 en Generaal in 1980. In 1977 word hy Hoof van die Suid-Afrikaanse Leër en in 1980 die Hoof van die Suid-Afrikaanse Weermag. Hy tree af by die weermag in 1985 om voltyds te boer in die Ohrigstad omgewing. In 1993 tree Viljoen toe tot die politiek saam met nog drie ander oud-generaals en help met die stigting van die Afrikaner Volksfront.

Kórt voor die Suid-Afrikaanse algemene verkiesing van 1994 stig Viljoen die Vryheidsfront as politieke party vir die Afrikaners. Dié party beywer hom vir die daarstel van ʼn Afrikanervolkstaat. Die Vryheidsfront wen 640 000 stemme met Viljoen as leier.

In 2001 tree Viljoen uit die aktiewe politiek en as leier van die Vryheidsfront.

Bron[wysig]