Cradock
| Cradock | |
 |
|
  Cradock
|
|
| Koördinate: Koördinate: | |
| Land |  Suid-Afrika |
|---|---|
| Provinsie | Oos-Kaap |
| Distrik | Chris Hani |
| Plaaslike Munisipaliteit | Inxuba Yethemba |
| Tydsone | SAST (UTC+2) |
Die dorp Cradock in die Suid-Afrikaanse provinsie Oos-Kaap lê in een van die land se belangrikste skaapteeltgebiede, die Groot-Visriviervallei. Die omgewing is uiters geskik vir die landbou en lewer danksy 'n milde klimaat en genoegsame reënval onder meer lusern en melkprodukte op. Die huidige bevolking word op 33 760 geraam.
Cradock word na die Vierde Grensoorlog van die jaar 1812 deur sir John Cradock gestig en dien as 'n militêre voorpos van die oostelike Kaapkolonie. Die dorp is op die plaas Buffelskloof gestig en in 1814 as dorpsgebied geproklameer.
Die Nederduitse Gereformeerde kerkgebou van Cradock is 'n taamlik presiese replika van St. Martins-in-the-Field in Londen. Ander besienswaardighede is die Karoo Minerale Spa en die Karootuin met 'n groot aantal inheemse vetplante.
Inhoud |
NG gemeente [wysig]
Vir hoofartikel, sien NG gemeente Cradock
Min is bekend oor die stigting van hierdie 11de oudste NG gemeente in Suid-Afrika, omdat die eerste notuleboek van die gemeente op onverklaarbare wyse weggeraak het. Dit is wel bekend dat ds. John Evans die eerste leraar was. Hy is in 1818 bevestig en na 'n dienstydperk van vyf jaar in die amp oorlede. Ds. John Taylor van Beaufort-Wes het hom in 1824 opgevolg. Albei was Skotse predikante wat in die eerste helfte van die 19de eeu Suid-Afrika toe gekom het om goewerneur lord Charles Somerset se verengelsingsbeleid aan te help en die tekort aan predikante in die Nederduitse Gereformeerde Kerk te help verlig.
Die gemeente het vinnig gegroei sodat 'n medeleraar in 1906 bevestig is en die derde medeleraar in 1930. Die Oos-gemeente is in 1951 afgestig en die Noord-gemeente in 1966. Die drie gemeentes het saam byna 2 500 belydende (volwasse) lidmate in 1979 gehad. In 2007 was dit sowat 900 minder.
Cradock Vier [wysig]
Die Cradock Vier, Matthew Goniwe, Sparrow Mkhonto, Fort Calata en Sicelo Mhlauli is op pad van Port Elizabeth na Cradock in 1985 gekaap en later vermoor.[2]
Distrik [wysig]
Die distrik is 6 000 km2 groot. Daar is drie besproeiingsdamme in die distrik: Grassridgedam, Kommandodrifdam en Lake Arthur-dam. Die belangrikste produkte wat gekweek word is lusern en vrugte terwyl sybokhaar, wol en suiwel ook belangrik is.
Visrivier Kanomaraton [wysig]
Die jaarlikse Visrivier Kanomaraton begin by die Grassridgedam en eindig by Cradock. Die kanomaraton vind oor twee dae plaas en is een van die groot kanowedvaarte in die land saam met die Bergrivier- en Dusi-kanowedvaarte.
Boorlinge [wysig]
- Neville Alexander, taalkundige, akademikus, oudstryder teen apartheid (1936-2012)[3]
Sien ook [wysig]
Galery [wysig]
-
Die Anglikaanse kerk op Cradock.
-
Die Weslyaanse kerk op Cradock.
-
Die NG gemeente Cradock-Oos het laat in 1951 van die NG gemeente Cradock afgestig. Die hoeksteen van sy Neo-Bisantynse kerkgebou is op 29 November 1952 deur ds. D.P.M. Beukes gelê.
-
Cradock-Noord het in 1966 van die moedergemeente afgestig. In 2012 was dit die dorp se grootste NG gemeente met 628 belydende lidmate, vergeleke met die moedergemeente se 528 en die Oos-gemeente se 506.
-
'n Geskiedkundige woonhuis wat in 'n gastehuis omskep is, geleë in die oudste deel van die dorp.
-
Tallose ou woonhuise op Cradock het onveranderd behoue gebly.
-
Nog 'n kenmerkende ou huis op Cradock.
-
In Cradock se eertydse wit woonbuurt is die meeste huise 50 jaar en ouer.
-
Die Karoo-landskap enkele kilometer buite Cradock langs die pad na Tarkastad en Queenstown.
-
'n Besonderse klein restaurant op Cradock.
-
Die saal van Hoërskool Cradock, opgerig in 1911.
Bronne [wysig]
- Olivier, ds. P.L. (samesteller), 1952. Ons gemeentelike feesalbum. Kaapstad en Pretoria: N.G. Kerk-uitgewers.
