Dampkas

in Wikipedia, die vrye ensiklopedie
Spring na: navigasie, soek
'n Huishoudelike dampkas
Rekenaaranimasie

'n Dampkas is 'n huishoudelike toestel in die kombuis wat daarvoor sorg dat voedseldampe weggevoer word.

Tot in die 1970's word dampkaste bykans slegs in die werksomgewings geïnstalleer: laboratoriums, kombuise van groot instellings, restaurante, sopkombuise en nywerheidskombuise. In die kombuise van huishoudings vind die wegvoer van voedseldampe met 'n eenvoudige ventilator in 'n gat in die plafon plaas, of in die muur.

Dampkaste vind eers in die stad byval by groot instellings voordat dit by hoë-inkomste en die middelklasinkomstegroepe se wonings geïnstalleer word. Tans is dampkaste steeds nie 'n algemene gesig in Suid-Afrika of Namibië nie.

Daar is verskillende soorte dampkaste:

  • met of sonder 'n motortjie
  • hersirkulering of afvoer van lug
  • gemonteerde of ingeboude model
  • gekoppel aan ventilasietegnieke van kombuise in nuwe wonings (byvoorbeeld Meganiese Ventilasie of hitteterugwinstelsels).

Byna alle modelle het beligting en die sterkte van die afsuig is beheerbaar. In die eerste modelle word vilt gebruik om die lug te suiwer; hierdie materiaal moes oor 'n bepaalde tyd vervang word. In moderne modelle is daar vaste filters wat gemaklik uitgehaal en in die skottelgoedwasser gereinig kan word. In goedkoop dampkaste word dikwels nog die ouderwetse vilt gebruik.

By die installering van 'n dampkas is daar 'n aantal reëls waarop gelet moet word. So moet die dampkas groter wees as die kookoppervlak. Ook moet daar 'n klein ruimte wees tussen die stoof-/kookplaat en die dampkas. Hierdie afstand kan per handelsmerk en tipe toestel verskil waar die afstand afhanklik is van die dampkas se materiaal en die tipe stoof-/kookplaas. As riglyn word 'n minimumafstand van 65 sentimeter by gasstoofplate en 60 sentimeter by elektriese stoofplate gehou.[1][2].

Verwysings[wysig]

  1. Keukens.be Plaatsing afzuigkappen op keukens.be
  2. http://www.consumentenbond.nl/test/woning_huishouden/keuken/afzuigkap/tips_afzuigkappen/ Consumentenbond over afzuigkappen