Dan Brown

in Wikipedia, die vrye ensiklopedie
Spring na: navigasie, soek
Dan Brown
’n Beeld van die betrokke persoonlikheid.
Geboortenaam Daniel Brown
Gebore 22 Junie 1964
Exeter, New Hampshire
Nasionaliteit Vlag van Verenigde State Verenigde State
Ouers Constance en Richard G. Brown
Beroep skrywer
Bekend vir Digital Fortress
Deception Point
Angels & Demons
The Da Vinci Code
The Lost Symbol
Inferno
Huweliksmaat Blythe Newlon
Webblad www.danbrown.com
Dan brown signature.svg

Dan Brown (gebore 22 Junie 1964) is 'n Amerikaanse skrywer van rillers en is veral bekend vir die skryf van die kontroversiële 2003 blitsverkoper, The Da Vinci Code (Afrikaans: Die Da Vinci-kode).

Vroeë lewe[wysig]

Dan Brown is gebore en het grootgeword in Exeter, New Hampshire, die oudste van drie kinders. Sy ma Constance (Connie) was 'n professionele musikant wat die orrel in die kerk gespeel het. Brown se pa Richard G. Brown was 'n prominente wiskunde onderwyser, wat skoolhandboeke geskryf het en hoërskoolwiskunde aan die Phillips Exeter Akademie van 1962 tot en met sy aftrede in 1997 aangebied het.

Phillips Exeter Academy is 'n eksklusiewe kosskool wat van nuwe onderwysers verwag om 'n paar jaar op die skoolgronde te bly. Brown, sy broer en suster het grootliks by die skool grootgeword. Daar was geen televisie en die sosiale omgewing was oorwegend Christelik. Brown het in die kerkkoor gesing, Sondagskool bygewoon en kerkkampe in die somer bygewoon. Hy self het 'n publieke skool in Exeter tot Graad 9 bygewoon waarna hy en ook sy jonger broer Gregory en suster Valerie hul skoolloopbaan by Phillips Exeter voltooi het.

Liedjieskrywer[wysig]

Nadat hy in 1982 by Phillips Exeter met skool klaargemaak het, studeer hy aan die Amherst Kollege, waar hy ondermeer 'n student was van die romanskrywer Alan Lelchuk. Brown gradueer aan Amherst met Spaans en Engels as hoofvakke in 1986. Hy het aanvanklik 'n musiekloopbaan gevolg en onder andere met sintetiseerder klankeffekte geëksperimenteer. Hy produseer 'n kinderalbum met die titel SynthAnimals wat snitte soos "Happy Frogs" en "Suzuki Elephants" insluit. Die kasset verkoop 'n paar honderd kopieë. Hy stig hierna sy eie platemaatskappy genaamd Dalliance, en in 1990 gee hy self 'n laserskyf getiteld Perspective, gerig op die volwasse mark uit. Dié album het ook 'n paar honderd kopieë verkoop. In 1991 trek hy na Hollywood met die doel om 'n loopbaan as sanger-liedjieskrywer en pianis te volg. Hy onderhou homself deur klas te gee by die Beverly Hills laerskool.

Terwyl hy in Los Angeles gewoon het sluit hy aan by die Verenigde State se National Academy of Songwriters, en neem deel aan baie van die akademie se byeenkomste. Hy het Blythe Newlon, wat as die akademie se Direkteur vir Kunstenaarontwikkeling gewerk het ontmoet. Sy het Brown se projekte aktief bevorder en hom met reklame en kontakte gehelp om sy loopbaan te bevorder. Sy trek saam met hom terug na New Hampshire en hulle trou in 1997.

Buiten haar bydrae om sy sangloopbaan te bevorder het sy ook 'n belangrike rol gespeel in sy skrywersloopbaan. Sy het gehelp met die bemarking van sy boeke. Sy het gehelp skryf aan sy vroeëre "humoristiese" boeke wat onder 'n skuilnaam gepubliseer is. Daar is ook spekulasie in die media dat sy gehelp het met van sy ander boeke. In sy erkennings vir die Deception Point bedank Brown vir "Blythe Brown vir haar onvermoeide navorsing en kreatiewe inset."

In 1993, het Brown sy album getiteld Dan Brown, vrygestel wat liedjies insluit soos "976-Love."

Onderwyser in Nieu-Engeland[wysig]

Brown en Blythe het in 1993 teruggetrek na sy tuisdorp Exeter in New Hampshire. Brown word Engelse onderwyser aan aan sy alma mater Phillips Exeter, Hy gee ook Spaans aan die Lincoln Akerman skool in Hampton Falls.

In 1994 stel Brown 'n album met die titel Angels & Demons vry. Die kunswerk op die omslag was deur die kunstenaar John Langdon wat ook later gebruik is vir sy roman Angels and Demons.

Gedurende 1994, terwyl hy op vakansie was in Tahiti lees hy Sidney Sheldon se roman The Doomsday Conspiracy, en besluit dat hy dit beter sou kon doen. Hy begin werk aan die Digital Fortress, en skryf ook saam met sy vrou 'n humoristiese boek, 187 Men to Avoid: A Guide for the Romantically Frustrated Woman, onder die skuilnaam "Danielle Brown" (een van die 187 items in die boek was ironies genoeg "mans wat selfhulp boeke vir vroue skryf"). Die boek se outeursprofiel lees, "Danielle Brown woon tans in New England, gee onderwys, skryf boeke en vermy mans." Die kopiereghouer word aangegee as "Dan Brown". Die boek verkoop 'n paar duisend kopieë voordat dit uit druk gaan.

Blitsverkoperouteur[wysig]

Brown bedank uit die onderwys in 1996 om 'n voltydse skrywer te word. Digital Fortress word in 1998 gepubliseer. Blythe het baie van die promosie werk hanteer insluitende persvrystellings, die reël van radio-optredes en personderhoude. 'n Paar maande later word nog 'n humoristiese boek The Bald Book geskryf deur hom en sy vrou, gepubliseer. In 2000 word sy roman Angels and Demons en in 2001 Deception Point gepuliseer.

Brown se eerste drie romans het beperkte sukses behaal met verkope van minder as 10 000 kopieë elk van hul eerste uitgawes. Sy vierde roman The Da Vinci Code gepubliseer in 1993, word egter 'n blitsverkoper en bereik binne die eerste week na publikasie die top verkooperposisie in die New York Times beste verkoperslys. Dié boek word nou beskou as een van die mees populêre boeke van alle tye (tenspyte daarvan dat dit deur vele boek resensente gekritiseer word). Teen 2006 is reeds meer as 60,5 miljoen kopieë wêreldwyd verkoop. Hierdie sukses het ook bygedra dat Brown se vroeëre boeke ook blitsverkopers geword het. In 2004, was vier van sy romans op die New York Times-lys in dieselfde week en in 2005, word hy ingesluit in die Time tydskrif se lys van die 100 mees invloedryke mense van die jaar. Forbes tydskrif plaas Brown as no 12 op hul 2005 "100 Sterre" lys en skat sy jaarlikse inkomste as VSA$ 76,5 miljoen. Die New York Times bereken sy inkomste uit die Da Vinci Code verkope op VSA$ 250 miljoen.

Brown stel belang in kriptologie, sleutels en kodes, temas wat hy ook algemeen in sy werke gebruik. Sy romans is reeds in meer as 40 tale vertaal.

In 2006 word Brown se roman The Da Vinci Code vrygestel as 'n rolprent deur Columbia Pictures, met Ron Howard as regisseur. In die rolprent speel Tom Hanks die rol van Robert Langdon, Audrey Tautou as Sophie Neveu en Sir Ian McKellen as Leigh Teabing. Die rolprent is vrygestel tydens die Cannes Filmfees op 17 Mei 2006. Brown word aangedui as een van die uitvoerende vervaardigers van die rolprent. Een van sy liedjies, "Piano", wat Brown geskryf en gespeel het, word aangedui as deel van die rolprent se klankbaan.

Werke[wysig]

  • SynthAnimals, 'n kinderalbum.
  • Perspective, 1990, Dalliance, musiek CD.
  • Dan Brown, 1993, DBG Records, (insluitende liedjies "976-Love" en "If You Believe in Love").
  • Angels and Demons, 1995, DBG Records (insluitende liedjies "Here in these Fields" en "All I Believe").
  • 187 Men to Avoid: A Survival Guide for the Romantically Frustrated Woman, 1995, Berkley Publishing Group (gesamentlik met sy vrou geskryf onder die pseudoniem Danielle Brown). ISBN 0425147835
  • Digital Fortress, 1998, roman.
  • The Bald Book, 1998, geskryf saan met sy vrou Blythe Brown. ISBN 078600519X
  • Angels and Demons, 2000, roman.
  • Deception Point, 2001, roman.
  • The Da Vinci Code, 2003, roman.
  • Musica Animalia (2003), 'n liefdadigheid album vir die organisasie Families First
  • The Da Vinci Code, Special Illustrated Edition, 2004, Doubleday. ISBN 0385513755
  • Angels and Demons, Special Illustrated Edition, 2005, Atria. ISBN 0743275063
  • The Da Vinci Code (rolprent), 2006.
  • The Lost Symbol, 2009

Eksterne skakel[wysig]

Commons-logo.svg
Wikimedia Commons het meer media verwant aan:
Dan Brown (kategorie)