Dannebrog (jag)

in Wikipedia, die vrye ensiklopedie
Spring na: navigasie, soek
Die Dannebrog

Die Kroonjag Dannebrog word in 1931 deur Koningin Alexandrine in Kopenhagen gedoop en onderneem op 26 Mei 1932 haar nooiensvaart. Dannebrog dien tans as amptelike en private woning van die koningspaar en die ander koninklike familielede tydens amptelike oorsese besoeke of gedurende somervaarte op tuiswaters. Die Kroonjag word gelyktydig vir partollering en seereddingsdiens ingespan en kan ook as hospitaalskip dien.

Dannebrog is in 1931-1932 by die Kopenhaagse Marinewerf gebou om die vorige koninklike vaartuig, die ratboot Dannebrog van 1879, te vervang.

Die skeepsromp is gebou van geklinkte staal op 'n dwarsraamwerk. Die jag het 'n klipperboeg en elliptiese agterstewe. Van buite kan die Kroonjag in twee seksies verdeel word. Voor die skoorsteen is daar ruimte vir die bemanningskajuit, vrag en enjin. Agter is die koninklike afdeling waar pasiënte versorg kan word sou dit as hospitaalskip moet dien. Tydens besoeke aan Deense en buitelandse hawens word die geslote agterdek vir onthale benut.

Die koninklike verblyfruimte bestaan uit die Koningin en Prinsgemaal se studeerkamers, eetsalon, geselskapsaal, slaapkamers ens. Haar Majesteit die Koningin en Sy Koninklike Hoogheid die Prinsgemaal het persoonlike aandag geskenk aan die binneversiering, meublement en algemene uitrusting. Die koninklike afdeling bevat meubels en uitrusting afkomstig van die voormalige koninklike vaartuig uit 1897.

Die Kroonjag Dannebrog is 'n selfstandige kommando (geadministreer deur die Koningin se Jagkaptein) wat deel van die Koninklike Hofhouding uitmaak. Dannebrog se voltallige bemanning bestaan uit nege offisiere, sewe sersante, twee konstabels en 38 weerpligtiges; almal uitgesogte vlootslui. Die offisiere doen gewoonlik twee tot vier jaar diens, terwyl opgeroepte weerpligtiges slegs een somer aan boord is.

Sedert die vlag in 1932 gehys is, het die jag meer as 400 000 seemyl afgelê en die meeste hawens van Denemarke, Groenland en die Faroëreilande besoek. Die jag het ook by ander Europese hawens aangedoen, vernaamlik Frankryk. Dit het oor die waters van die Amerikaanse Ooskus, Middellandse en Karibiese See gevaar.

Afmetings van die Kroonjag[wysig]

  • Lengte: 78,43 meter
  • Breedte: 10,40 meter
  • Diepgang: 3,95 meter
  • Mashoogte: 23,00 meter
  • Waterverplasing, volgelaaide vrag: 1 238 ton
  • Hoofaandrywing: Twee dieselenjins, B&W Alpha Diesel, tipe 6T23L-KVO, 870 pk. (649 kW) elk
  • Hulpaandrywing: Drie dieselenjins, SCANIA, tipe DS11ol MO 1, 136 kW elk
  • Snelheid: 13,5 knope (25,0 km/h)
  • Vaarbereik: 3 600 seemyl (6 700 km)

Die skip is tussen 1980 en 1981 grondig versien.

Eksterne verwysings[wysig]