Daspoorttonnel

in Wikipedia, die vrye ensiklopedie
Spring na: navigasie, soek

Die Daspoorttonnel of Ollie Denyschentonnel is 'n tonnel in die Wesmoot in Pretoria wat deur die Daspoortrand gaan en Daspoort met Danville verbind in 'n noord/suid rigting. Die tonnel is 573 m lank en gedurende die vroeë sewentigs voltooi. Die tonnel beskik oor twee bane vir verkeer sowel as twee voetpaaie weerskante van die verkeersbane. Tans gebruik nie net motoriste die tonnel nie maar ook skoliere hetsy per voet op per fiets. Die noordelike ingang van die tonnel is gebou in harde kwartsiet terwyl die suidelike ingang gebou is in sagte skalie.

Ventilasie[wysig]

Daar is ook 'n ventilasieskag in die middel van die tonnel. Daar is twee waaiers aan weerskante van die tonnel wat vars lug inblaas terwyl daar 'n waaier aan die bokant van die ventilasieskag is wat die giftige gasse moet uitblaas.

Ongelukke[wysig]

Uiteraard beïnvloed ongelukke die bedryf van die tonnel. Studies gedoen deur Pretoria se Metroraad toon aan dat daar tussen 1992 en 1997 280 ongelukke was tussen voertuie, 25 ongelukke waarby voetgangers betrokke was en daar 'n verdere 61 ander ongelukke was waar voertuie met ander voorwerpe betrokke was.

Lugbesoedeling[wysig]

Die tonnel was aanvanklik ontwerp om 6 000 voertuie per dag te dra. 'n Studie van die Tshwane se Departement van Omgewingbestuur gedurende Julie 2011 toon aan dat aantal voertuie per dag beduidend gestyg het met 'n rekord van 2 420 voertuie per uur gemeet. Die groei plaas druk op die ventilasievermoë van die tonnel en dié studie het bewys dat geen persoon langer as 30 minute in die tonnel moet deurbring nie. Die situasie is vererger weens die feit dat die twee waaiers by ingange van die tonnel tydens die studie buite werking was.

Koördinate: 25°43′52″S 28°08′06″O

Bron[wysig]

  • Quest: Science for South Africa. Vol 7, nommer 3, 2011, bl 32.

Eksterne skakels[wysig]