David Livingstone

in Wikipedia, die vrye ensiklopedie
Spring na: navigasie, soek
David Livingstone
’n Beeld van die betrokke persoonlikheid.
Gebore 19 Maart 1813
Blantyre, South Lanarkshire, Skotland
Oorlede 1 Mei 1873
Chief Chitambo's Village, Zambië, Britse Ryk
Nasionaliteit Vlag van Verenigde Koninkryk Verenigde Koninkryk
Bekend vir Verkenning van Afrika
Religie Kongregasionalistiese Kerk

David Livingstone 'n was ontdekkingsreisiger en sendeling in Afrika. Hy is in 1813 in Blantyre, Skotland gebore. Die gelyknamige stad in Malawi is na sy geboortedorp vernoem. Na hy homself in medisyne bekwaam het, sluit hy by die Londense Sendinggenootskap aan en kom na Suid-Afrika in 1840. Hy onderneem sy eerste ontdekkingsreis in 1849 na die Ngami-meer, vergesel van Mungo Murray en William Cotton Oswell. Na 'n reis deur die Kalahariwoestyn, bereik hulle die meer op 1 Augustus 1849. Op Kuruman raak hy in 'n geskil tussen Boere en inheemse stamme betrokke, en reis verder na die bolope van die Zambezi. Hy is in 1855 die eerste Europeër om die Victoria-waterval te sien na 'n trek van twee en 'n half jaar. In latere jare bring hy die meeste van sy loopbaan in Sentraal-Afrika deur. In 1858 was hy die Britse konsul in Quelimane in die huidige Mosambiek. Hy was in bevel van 'n geselskap wat die eerste Europeërs was om die Njassa-meer te bereik. In 1872 het Henry M. Stanley, wat gestuur is om nuus oor Livingstone te bring, hom gevind, maar Livingstone het geweier om terug te keer. Hy sterf tydens 'n volgende ekspedisie in die huidige Zambië, op 1 Mei 1873.

Sien ook[wysig]