Dawie Malan

in Wikipedia, die vrye ensiklopedie
Dawie Malan
Geboorte 18 Desember 1949
Upington
Sterfte 1988
Nasionaliteit Suid-Afrikaans
Beroep(e) Akteur, regisseur
Aktiewe jare 1970's, 1980's
Internet-rolprentdatabasis-profiel

Dawie Malan (18 Desember 19491988) was ’n Suid-Afrikaanse akteur en regisseur. Hy was in 1977 ’n medestigter van die eksperimentele teatergeselskap Fringe.

Loopbaan[wysig | wysig bron]

Malan is op 18 Desember 1949[1] op Upington gebore en het aan die Universiteit Stellenbosch drama studeer. Hy het liggaamlike gestremdheid en gesondheidsprobleme oorkom en homself as ’n invloedryke teenwoordigheid in die Kaapstadse teaterwêreld van die 1970's en vroeë 1980's gevestig.[2]

In dié tyd het hy in Die Ruimte in dié stad gewerk. Hy het onder meer opgetree in Black Beauty and the Boss (Pieter-Dirk Uys, Labia, 1976) en Snowhite & the Special Branch! (Uys, Labia, 1976). Hy het later regie gedoen, onder meer van Die Trommel, Eskoriaal, Piekniek te Velde en Wooed and Viewed, terwyl hy steeds toneelgespeel het. Hy het ’n ruk lank vir die Kaaplandse Raad vir Uitvoerende Kunste (Kruik) en sy Suidwes-eweknie, Swaruk, gewerk.

Hy het daarna na Kaapstad verhuis, waar hy die alternatiewe teatergeselskap Fringe gestig het saam met onder andere Chris Galloway en Bill Curry. Vir hulle het hy die regie gedoen van Exit the King, Deathwatch, Die Van Aardes van Grootoor, Info Scandals, The Haunted Host, Farce About Uys (Uys, 1983) en Total Onslaught 1984 (Uys, 1984). Van dié toneelstukke is ook in die Markteater in Johannesburg opgevoer. Hier het hy ook die regie gedoen vir International Stud en die Laager-teater help bou. Vir die Laager het hy ook verskeie stukke geregisseer.

In 1981 was hy die regisseur van Uys se Karnaval, met Magda Beukes, Lida Botha, Dale Cutts en Joey de Koker, in Upstairs at the Market in die Markteater.

Malan het ook in ’n paar rolprente opgetree. Hy is in 1988 oorlede.

Filmografie[wysig | wysig bron]

Verwysings[wysig | wysig bron]