Der Spiegel

in Wikipedia, die vrye ensiklopedie
Spring na: navigasie, soek
Kantoorgeboue van die Spiegel-groep in Hamburg. Die oorspronklike redaksiegebou, wat in 1969 opgerig is, is aan die linkerkant van die foto. Die uitgewery se gebou (regs) is in 1996 van die IT-maatskappy IBM oorgeneem

Der Spiegel (eie skryfwyse: DER SPIEGEL) is 'n Duitse nuustydskrif wat deur die Hamburgse uitgewery Spiegel-Verlag uitgegee en wêreldwyd versprei word. Met 'n oplaag van ruim een miljoen eksemplare is dit die mees verkoopte weeklikse nuustydskrif in Duitsland.[1]

Vanweë die groot rol wat die tydskrif in openbare meningsvorming speel, word na Die Spiegel dikwels as 'n leidende publikasie verwys.[2][3]

Der Spiegel en sy stigter Rudolf Augstein het daarnaas ook 'n sentrale rol in die Duitse persgeskiedenis gespeel.[4] Die tydskrif, wat in 1947 in die lewe geroep is, het veral betekenis in die stryd om persvryheid en by die onthulling van talle politieke skandale gekry.

Der Spiegel verskyn op Maandae (in Lübeck en Dresden op Sondae, aanlyn reeds op Saterdagaand). Op openbare vakansiedae word dit gewoonlik al op Saterdae uitgegee. Met sy aanlyn-uitgawe Spiegel Online, wat in redaksionele en ekonomiese opsig onafhanklik van die gedrukte Spiegel is, beskik die uitgewery daarnaas oor die mees gelese nuuswebwerf op die Duitstalige internet.

Verwysings[wysig]

Eksterne skakels[wysig]